Oxirgi sonda



Ko'p o'qilgan maqolalar



Dolzarb mavzu



Maqolalar arxivi

«    Noyabr 2017   
Du Se Cho Pa Ju Sha Ya
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 1 2 3
07.05.2017

O‘ZBEKISTON INNOVATSION, FAOL MAMLAKATGA AYLANADI

Fan va texnologiyalar agentligi Bosh direktori Mahmudjon Boltaboyev muxbirimizga quyidagilarni gapirib berdi

— Mamlakatning barqaror rivojlanishi, aholining farovon yashashi uchun eng avvalo, ilm-fan taraqqiy etishi kerak. Rivojlangan davlatlar tajribasi shuni ko‘rsatadiki, ularda islohotlar dastlab maktabgacha ta’lim muassasalari, maktablar, litsey-kollejlar, oliy o‘quv yurtlari, ilmiy tadqiqot institutlari faoliyatini kuchaytirishdan boshlangan. Ha, ilm millatning ozod, farovon, baxtli, badavlat yashashining bosh omilidir. Ilm-fani rivojlangan mamlakatlar geografik jihatdan qayerda joylashgan bo‘lishiga qaramasdan, jahonning ma’rifiy markaziga aylanadi. Nomiga taraqqiy etgan, rivojlangan, rivojlanayotgan so‘zlari qo‘shib aytiladi.

Mamlakatimiz Prezidenti Shavkat Mirziyoyev tomonidan respublikamizni yanada rivojlantirish bo‘yicha boshlangan islohotlar ham avvalo, O‘zbekiston Fanlar Akademiyasining ilm-fan taraqqiyotidagi bir butun ilm-fanni rivojlantirish strategiyasini ishlab chiqishdan boshlandi.

Bugungi kunda yurtimizda ilmiy-tadqiqot faoliyatini tashkil etish, boshqarish va moliyalashtirishning aniq mexanizmi yaratilgan. Fan sohasini takomillashtirish yuzasidan olib borilgan islohotlar o‘z natijasini bermoqda. Gen injeneriyasi, hujayra texnologiyalari, farmatsevtika va biotexnologiyalar, kimyo va yangi materiallarni yaratish sohalarida muhim tadqiqotlar olib borilmoqda.

Shu bilan birga, ilmiy-tadqiqot salohiyatining hozirgi darajasi, mamlakatimiz ijtimoiy-iqtisodiy rivojlanishidan orqada qolayotganini ham tan olishimiz kerak.

Davlatimiz rahbari tomonidan akademiklar bilan bo‘lib o‘tgan uchrashuvda iqtisodiyotni innovatsion rivojlantirish, intellektual salohiyatdan samarali foydalanish mexanizmlarini joriy etish masalalariga alohida e’tibor qaratildi. Bu bejiz emas albatta. Chunki barcha sohalarni zamon talablari darajasida rivojlantirish uchun oldin innovatsion texnologiyalar yo‘nalishida inqilobiy o‘zgarishlar bo‘lishi zarur.

Shu bilan birga, Prezidentimizning «Fanlar akademiyasi faoliyati, ilmiy-tadqiqot ishlarini tashkil etish, boshqarish va moliyalashtirishni yanada takomillashtirish chora-tadbirlari to‘g‘risida»gi qarori bilan Bosh vazir rahbarligida Fan va texnologiyalar bo‘yicha davlat komissiyasi tuzildi va uning ishchi organi etib Fan va texnologiyalar agentligi belgilandi. Qarorga ko‘ra, agentlik Davlat ilmiy-texnika dasturlari doirasida moliyalashtiriladigan fundamental, amaliy tadqiqotlar va innovatsion ishlar sohasidagi ilmiy loyihalarni amalga oshirish bo‘yicha yagona buyurtmachi hisoblanadi.

Ushbu komissiya qoshida Ilmiy-texnik faoliyatni qo‘llab-quvvatlash va rivojlantirish jamg‘armasi tashkil etilib, mutlaqo yangi tipdagi, zamonaviy yuqori texnologik asbob-uskunalar bilan jihozlangan ilmiy laboratoriyalar faoliyatini yo‘lga qo‘yish bo‘yicha tadbirlarni moliyalashtiradi, davlat ilmiy-texnika dasturlari doirasida yaratilgan intellektual mulk obyektlarini chet elda ro‘yxatdan o‘tkazadi, yetakchi ilmiy elektron ma’lumotlar bazasidan erkin foydalanishni hamda yosh olimlarning yetakchi xorijiy ilmiy markazlarda stajirovka o‘tashini ta’minlaydi.

Har yili muntazam ravishda o‘tkazib kelinayotgan, fan, ta’lim hamda ishlab chiqarish o‘rtasidagi kooperatsion aloqani ko‘chaytirishning amaliy mexanizmiga aylangan Respublika innovatsion g‘oyalar, texnologiyalar va loyihalar yarmarkasi korxonalar, ilmiy tashkilotlar va oliy ta’lim muassasalari o‘rtasida o‘zaro manfaatli, har tomonlama foydali hamkorlik o‘rnatish imkonini bermoqda.

Bu yurtimiz iqtisodiyotining deyarli barcha tarmoq va sohalarining jadal sur’atlar bilan rivojlanishida, istiqboldagi dasturlarni ishlab chiqishda muhim ilmiy va amaliy asos vazifasini o‘tamoqda.

X Innovatsion g‘oyalar, texnologiyalar va loyihalar respublika yarmarkasi 2017 yilning 10-12 may kunlari o‘tkaziladi. Yarmarkada 500 dan ortiq innovatsion g‘oya va ishlanmalar namoyish etiladi. Shundan 344 tasi yangi innovatsion ishlanmalar hisoblanadi.

Mahalliy ishlab chiqaruvchilar va tadbirkorlar, xorijiy va xalqaro jamg‘armalar vakillari diqqatini hamda moliyaviy mablag‘larini respublikamiz olimlari tomonidan taqdim etilgan eng ilg‘or texnologiyalarga jalb qilish maqsadida X innovatsiya yarmarkada ilk bor «Joriy etilgan innovatsion ishlanmalar» yo‘nalishi tashkil etiladi. Unda o‘tgan yarmarkada imzolangan shartnomalarning qanday bajarilayotgani, natijalari 62 ishlanma misolida ko‘rsatib beriladi.

Bundan tashqari, yosh olimlar va talabalarning 100 ishlanmasi, jumladan, «XXI — asr intellektual avlod asri» respublika konferensiyasi g‘oliblari va faol ishtirokchilarining 22 innovatsion g‘oya va loyihalari taqdim etiladi.

Shuningdek, bu yil eksponatlarni saralashda taklif etilayotgan ishlanmalarning joriy etishga tayyorligi, energiya va material tejamkorligi, mahalliy xomashyodan foydalanilganligi, bozorga yangi mahsulot chiqarish imkoniyati mavjudligi masalalariga alohida e’tibor qaratildi.

Yarmarka doirasida III Toshkent xalqaro innovatsion forumi ham bo‘lib o‘tadi. Undan ko‘zlangan asosiy maqsad — dunyoda innovatsiya tizimlarining bugungi ahvoli, muammolari va istiqbollari tahlil qilinadi. O‘zbekistonni ham innovatsion faol hududga aylantirish borasida taklif-mulohazalar o‘rtaga tashlanadi.

Forum ishida Germaniya Federativ Respublikasi, AQSh, Fransiya, Gretsiya, Janubiy Koreya, Yaponiya, Rossiya Federatsiyasi, Armaniston, Qozog‘iston, shuningdek, BMT, YuNESKO, Jahon banki, O‘zbekistondagi Britaniya Kengashi ofisi, Erasmus+ Milliy ofisining yetakchi olimlari, mutaxassislari va ekspertlari ishtirok etadi.

Hozirga qadar o‘tkazilgan I-IX innovatsiya yarmarkalarda sanoat, qishloq xo‘jaligi, axborot texnologiyalari, tibbiyot va farmakologiya, fan va ta’lim yo‘nalishlarida 4200 ga yaqin innovatsion g‘oya va texnologiyalar namoyish etilib, umumiy moliyaviy hajmi 144 milliard 100 million so‘m bo‘lgan 4000 dan ortiq shartnoma imzolangan. Mazkur shartnomalarning bajarilishi natijasida 62 nomdagi yangi mahsulotlar seriyali ishlab chiqarilmoqda, 59 shartnoma doirasida mahsulotlarning tajriba-sinov va sanoat namunalari yuzaga keldi. Shu bilan birga, yuzlab korxona, fermer xo‘jaligi va tadbirkorlik subyektlariga ilmiy va amaliy xizmatlar ko‘rsatilmoqda.

Yarmarkada «Sanoat», «Qishloq xo‘jaligi», «Sog‘liqni saqlash va farmakologiya»,«Axborot texnologiyalari», «Fan va ta’lim» yo‘nalishlari bo‘yicha eng yaxshi innovatsion ishlanma, shuningdek, «Eng yaxshi innovatsion ishlanma», «Yosh olimlarning eng yaxshi innovatsion loyihasi», «Talabalarning eng yaxshi innovatsion g‘oyasi» nominatsiyalari bo‘yicha Vazirlar Mahkamasi nomidan Faxriy yorliqlar ta’sis etilgan.

Ishlanmalar mualliflarining har biri 3 million so‘m miqdoridagi pul mukofoti va bir yillik bepul internetdan foydalanish huquqini beruvchi sertifikat bilan rag‘batlantiriladi.

Shuningdek, Butunjahon Intellektual Mulk Tashkiloti (VOIS)ning «Eng yaxshi ixtiro» medali va «Intellektual mulk sohasida faoliyat yuritayotgan eng yaxshi korxona» mukofotlari egalariga topshiriladi.

Ushbu yarmarkaning tashkil etilganiga o‘n yil to‘lishi munosabati bilan anjumanni keng miqyosda, tantanali ruhda o‘tkazish rejalashtirilgan. Binobarin, unda o‘zbekistonlik yetuk olimlar, bilan birga Yevropa va Osiyoning yetakchi mamlakatlaridan 100 ga yaqin ixtirochi va mutaxassislarning ishtirok etishi kutilmoqda. Bu yurtdoshlarimizga o‘zaro fikr, almashish imkonini beradi.

Ma’rifatparvar bobomiz Mahmudxo‘ja Behbudiy aytganidek, «Dunyoda turmoq uchun dunyoviy fan va ilm lozimdur, zamona ilmi va fanidan bebahra millat boshqalarga poymol bo‘lur»...

 

Shuhrat ISLOMOV,

yozib oldi.



DB query error.
Please try later.