Охирги сонда



Кўп ўқилган мақолалар



Долзарб мавзу



Мақолалар архиви

«    Oktabr 2019    »
Du Se Cho Pa Ju Sha Ya
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
18.03.2014

ЖАМОАТЧИЛИК НАЗОРАТИНИНГ АСОСИ ҲАМДА МАҲАЛЛИЙ КЕНГАШЛАРНИНГ ВАКОЛАТЛАРИ МУСТАҲКАМЛАНМОҚДА

Олий Мажлис Қонунчилик палатасидаги сиёсий партиялар фракциялари ҳамда Экологик ҳаракат депутатлик гуруҳи йиғилишларида мамлакатимиз раҳбари томонидан қонунчилик ташаббуси асосида киритилган «Ўзбекистон Республикаси Конституциясининг айрим моддаларига ўзгартиш ва қўшимчалар киритиш тўғрисида (32, 78, 93, 98, 103 ва 117-моддаларига)»ги қонун лойиҳаси атрофлича кўриб чиқилиб, қўллаб-қувватланди. Энди мазкур қонун лойиҳаси Олий Мажлис Қонунчилик палатасининг навбатдаги ялпи мажлисида муҳокама қилинади.

Депутатлар ушбу қонун лойиҳаси Президентимизнинг Конституциямиз қа­бул қилинганининг 21 йил­лигига бағишланган тантанали маросимдаги маърузасида илгари сурилган мамлакатимизда олиб борилаётган демократик ислоҳотларни чуқурлаштириш, Парламентнинг ўрни ва ваколатларини янада кенгайтириш, унинг Вазирлар Маҳкамаси устидан назорат функцияларини кучайтириш, жамоатчилик назоратининг савияси ва самарасини кўтариш ғоя­лари амалга ошишига хизмат қилишини таъкидлашмоқда.

Алишер ТИЛЛАБОЕВ, Олий Мажлис Қонунчилик палатасидаги ЎзХДП фракцияси аъзоси:

— Биз қонун лойиҳасида ижро этувчи ҳокимият устидан жамоатчилик назоратини таъминлашни на­зарда тутувчи қоидаларга алоҳида эътибор қаратдик. Чунки, жамоатчилик назорати фуқаролик жамиятининг муҳим белгиларидан ҳисобланади. Бу институтнинг Конституция даражасида мустаҳкамланилиши давлат ва жамият бошқарувида жамоатчилик ролини кенгайтиришни таъминлайдиган яхлит тизимнинг шакллантирилишига хизмат қилади.

Шунингдек, Конституцияга киритилаётган янгиликлар депутатлик органларининг жамиятимиз ҳаё­тидаги роли ва аҳамиятини янада оширишга қаратилгани ҳам «Кучли давлатдан — кучли фуқаролик жамияти сари» та­мойили босқичма-босқич амалга оширилишига замин яратади.

Алия ЮНУСОВА, Олий Мажлис Қонунчилик палатасидаги ЎзХДП фракцияси аъзоси:

— Қонун лойиҳасига мувофиқ вилоят, туман ва шаҳар ҳокимининг тегишли халқ депутатлари Кенгашига вилоят, туман, шаҳар ижтимоий-иқтисодий ривожланишининг энг муҳим ва долзарб масалалари юзасидан ҳисоботлар тақдим этиши, улар бўйича халқ депутатлари Кенгаши томонидан тегишли қарорлар қабул қилиниши ҳақидаги норма белгилаб қўйилиши назарда тутилаяпти. Бу маҳаллий ижро ҳокимиятининг халқ депутатлари Кенгашлари олдида ҳисобдорлиги кучайишини англатади.

Ушбу норманинг ҳаётга жорий этилиши ҳудудларни ижтимоий-иқтисодий ривожлантириш билан боғлиқ масалалар ҳар томонлама пухта муҳокама қилинишига, халқ депутатлари маҳаллий Кенгашларидаги жамоатчилик вакилларининг ўрни ва роли ошишига шароит яратиши билан аҳамиятлидир. Энг муҳими, бу ҳудудий ривожланиш дастурларини ишлаб чиқиш ва уларни амалга оширишда аҳоли барча қатламлари манфаатларининг тўлиқ ифода этилишига асос бўлади.


Фикр ва мулохазалар

Защита от автоматических сообщений

Сўнгги янгиликлар: