Охирги сонда



Кўп ўқилган мақолалар



Долзарб мавзу



Мақолалар архиви

«    Iyul 2019    »
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4
22.01.2019

ИНСОН ЎЗГАРСА, ЖАМИЯТ ЎЗГАРАДИ

Президентимиз Шавкат Мирзиёевнинг мамлакат парламентига тақдим этган навбатдаги Мурожаатномаси мамлакатимизни ривожлантиришнинг устувор вазифалари тўғрисидаги бош ҳужжат бўлиб ҳаётимизга кириб келди.

Бу — 2018 йилда бошланган ишларни мантиқий давом эттириш ва юксак босқичга кўтариш йўлида яна бир муҳим қадам бўлди.

Шиддат билан ўтиб бораётган вақт иқтисодиётнинг барча соҳаларини рақамли технологиялар асосида янгилашни назарда тутадиган Рақамли иқтисодиёт миллий концепциясини ишлаб чиқариш зарурлигини тақозо қилмоқда.

«Рақамли Ўзбекистон — 2030» дастурининг ишлаб чиқилиши ва ҳаётга татбиқ қилиниши ялпи ички маҳсулотни камида 30 фоизга ўстириш, коррупцияни кескин камайтириш имконини беради. Фаол инвестиция сиёсатининг давом эттирилиши эса 2019 йилда барча манбалар ҳисобидан қарийб 138 триллион сўмлик ёки 2018 йилга нисбатан 16 фоиз кўп инвестицияларни ўзлаштириш, 142 замонавий корхонани ишга тушириш имконини беради.

Банк ва молия тизимида ислоҳотларни жадал давом эттириш, соҳага замонавий бозор механизмларини кенг жорий қилиш, инвесторлар мамлакатимизда ўзини имкон қадар эркин ҳис қилишлари учун валюта бозорини янада эркинлаштириш, фуқароларимизнинг солиқдан қочиш эмас, уни вақтида тўлашдан манфаатдор бўлиши, 2019 йилдан бошлаб жорий этилаётган янги Солиқ концепциясининг энг асосий ғояси солиқ юкини камайтириш, содда ва барқарор солиқ тизимини қўллаш кўзда тутилмоқда.

Иқтисодиёт қачон рақобатбардош бўла олади? Қачонки, мамлакатда тадбиркор ва инвесторлар учун ҳар томонлама қулай муҳит яратилса, мамлакат ривожига салбий таъсир кўрсатаётган айрим омиллардан халос бўлинсагина, ўз олдимизга қўйган мақсадимизга эришган бўламиз. Янги таҳрирдаги Солиқ кодексида эса инсофли, ҳалол солиқ тўловчиларни рағбатлантириш, яширин фаолият юритадиганларни жазолаш шартлиги айтиб ўтилди. Иқтисодиётни бошқаришда давлат аралашуви кескин камаяди.

Иқтисодиётни жаҳон бозорига интеграция қилиш ва экспортни қўллаб -қувватлаш ҳам устувор вазифалардан биридир. Экспорт ҳажмини 30 фоизга ошириб, 18 миллиард долларга етказиш мақсад қилиб қўйилиши, транспорт-логистика тизимини такомиллаштириш ҳам энг долзарб масаладир.

Парламентнинг жамиятдаги ролини ошириш юзасидан ҳар бир вазирнинг ўз фаолият дастурини тақдим этиши, эндиликда депутатлар, сенаторлар муҳокамасидан ўтиши келаётган истиқболли режалар дастурида белгилаб қўйилди. Урбанизация масалаларини амалга оширувчи махсус жамғарма тузилиши, «Обод қишлоқ», «Обод маҳалла» дастурлари ижроси учун 4 триллион сўмдан зиёд маблағ ажратилиши, энг кам ойлик иш ҳақи миқдори, пенсия тизими қайта кўриб чиқилиши, спорт майдончалари, «Китоб кафелари«нинг бунёд этилиши — бу халқимизнинг турмуш фаровонлигини таъминлаш йўлидаги қутлуғ саъй-ҳаракатлардир.

Мурожаатномада баён қилинган ҳар бир устувор йўналиш бўйича амалга ошириладиган ишлар халқимизнинг эркин, тинч ва бадавлат умр кечириши, ҳаётдан рози бўлиб яшашига қаратилган. Айни чоғда бу юксак вазифаларни амалга ошириш ҳар биримизнинг меҳнатимизга боғлиқ.

 

Шарифа САЛИМОВА,

Ўзбекистонда хизмат кўрсатган маданият ходими, шоира.


Фикр ва мулохазалар

Защита от автоматических сообщений

Сўнгги янгиликлар: