Охирги сонда



Кўп ўқилган мақолалар



Долзарб мавзу



Мақолалар архиви

«    Fevral 2018    »
Du Se Cho Pa Ju Sha Ya
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 1 2 3 4
16.01.2018

АСКАРЛАРИ БАҚУВВАТ ЭЛ ҚУДРАТЛИ БЎЛУР...

Комила КАРОМОВА, Олий Мажлис Қонунчилик палатасидаги ЎзХДП фракцияси аъзоси:

— Хавфсизлик кенгашининг кенгайтирилган таркибдаги мажлисида Президент билдирган фикрларни ўқир эканман, ҳаяжонми, ё таскинга ўхшаш туйғуми, кўнглимни тўлдирди. Давлатимиз раҳбари Ўзбекистон Республикаси Қуролли Кучлари ташкил этилганининг 25 йиллиги муносабати билан Ватан ҳимоячиларига йўллаган байрам табриги, унда кўрсатиб ўтилган вазифалар, аввало тинчлик ҳақида ўйлайдиган оналарни, бутун халқимизни хотиржам қилганига ишонаман.

Байрам арафасида юрт учун, тинчлик учун кўксини қалқон қилган ҳарбийларимизнинг хонадонларида бўлгандик. «Ҳеч кимга бу дардни раво кўрмайман, ҳеч кимга...», деб онанинг кўзларида ёш қалқийди. Ота эса ҳарбий кийимлари бирам ярашган ўғлининг суратига маҳзун термулиб, бошини эгади. «Ҳеч ким фарзандим, деб бўзламасин»...

Тинчликдан, бағри бутунликдан улуғ неъмат, улуғ саодат йўқлигига яна бир бор имон келтирдик. Осойишталигимиз посбонлари, қалқонлари билан фахр этдик. Президентимиз Қуролли Кучларимиз — мамлакатимиз барқарорлиги ва тараққиётининг мустаҳкам кафолатидир, деб таъкидлади.

 Дарҳақиқат, тинчлигини, демакки, мустақиллигини асрай олган давлатгина гуллаб-яшнайди. Буни Амир Темур бобомизнинг «Аскарлари бақувват эл қудратли бўлур, қудратли элнинг аскарлари бақувват бўлур», деган сўзларидан ҳам англашимиз мумкин. Мамлакатимиз мудофаа қобилиятини аввало ватанпарварлар мустаҳкамлайди. Юртга содиқлар, фидойилар уни асрайди. Демак, ватанпарварлик тарбияси жуда муҳим. Юртпарварлар ўз-ўзидан вояга етмайди. У комил тарбия ва яхши ибрат, машаққатли меҳнат натижасида шаклланади.

Таъкидланганидек, Ватан олдидаги бурчини адо этиш чоғида юртимиз озодлиги, халқимизнинг бугунги тинч ва осойишта ҳаётини таъминлаш йўлида ҳалок бўлган мард, жасур ўғлонларимизнинг азиз хотирасига эҳтиром кўрсатиш биз учун ҳам фарз, ҳам қарздир. Уларнинг садоқати, жасоратини кенг тарғиб қилишимиз ёшларга ибрат бўлади. Ватан ўз мардларини ҳеч қачон унутмайди.

Шунингдек, мудофаа соҳасида қабул қилинаётган қонунларни ёшлар онгига сингдиришда ҳам алоҳида фаоллик кўрсатишимиз зарур. Масалан, яқинда янги таҳрирда Ўзбекистон Республикасининг Мудофаа доктринаси қабул қилинди. Мазкур ҳужжат биринчи марта оммавий ахборот воситаларида ёритилди. Танлаган йўлимиз, орзу-мақсадларимиз, ниятларимиз ана шу ҳужжатда жо бўлди.

Номидан кўриниб турибдики, Ўзбекистон ташқи сиёсатда мудофаа руҳида тинчликпарвар сиёсат юритади. Яъни, ҳеч бир давлатни ўзининг душмани, деб ҳисобламайди ҳамда барча мамлакатлар билан муносабатларни миллий манфаатларининг устуворлиги, халқаро ҳуқуқнинг умум эътироф этилган принциплари, нормаларини инобатга олган ҳолда, тенг ҳуқуқлилик ҳамда ўзга давлатлар ички ишларига аралашмаслик, барча низоли масалаларни тинч воситалар ва музокаралар йўли билан ҳал қилиш асосида қуради.

Биз тинчликпарвар сиёсатимизни дунёга эълон қилдик. Қонун ижроси тинчлигимиз, тараққиётимизни таъминлайди. Бунда биз, халқ вакиллари, айниқса, масъулмиз. Бу соҳада парламент назоратини кучайтириш устувор масаладир. Қонун ижроси эса тинчлигимиз, осойишталигимиз, мудофаа қобилиятини янада юксалтиришга хизмат қилади.

 

Зилола УБАЙДУЛЛАЕВА

ёзиб олди.



DB query error.
Please try later.