06.08.2019

МИЛЛИЙ ГВАРДИЯ ТАШАББУСИ

Сирдарё тумани Бахт шаҳрида жойлашган Махсус ўғил болалар ўқув муассасасидаги ўқувчи ёшларни баркамол авлод этиб тарбиялаш мақсадида Ўзбекистон Республикаси Миллий гвардияси бир қатор вазирлик ва ташкилотлар билан ҳамкорликда тадбирлар ўтказиб келмоқда.

Муассасада вилоят Ахборот ресурслари маркази, Адлия бошқармаси ва Ёзувчилар уюшмаси томонидан “Ўз ҳуқуқингизни биласизми?” шиори остида викторина ва давра суҳбатлари, шунингдек, Маданият вазирлиги ҳамкорлигида маданият ва санъат кўргазмаси, маданий-маърифий тадбирлар ўтказилди.

Уста Камол Мирзаев ва ёш рассом Саида Жалиловалар миниатюра яратиш усулларини маҳорат дарслари орқали намойиш этдилар.

Шу билан бирга, яна бир санъат тури — эбру (сувда чизиш бўйича қадимий санъат тури) йўналишида ҳам амалий машғулотлар ўтказилди. Эбру санъати устаси Насиба Сотволдиева сув юзасида ижод қилиш усуллари ва расмларни қоғоз ёки матога туширишда ўқувчиларга ёрдам берди.

Ўзбек давлат цирки артистлари томонидан намойиш этилган дастурлар ўқувчиларга юқори кайфият улашди.

 

Нозима МАҲМУДОВА,

Ўзбекистон Республикаси Миллий гвардияси Матбуот хизмати офицери.


Фикр ва мулохазалар

Защита от автоматических сообщений

Сўнгги янгиликлар: