Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
12.02.2019

КАФИЛЛИК ХАТИ

Ҳаёт шиддат билан ўзгараётган бугунги кунда амалиётга янгича ҳуқуқий механизмлар жорий этилмоқда. Ёшлар иттифоқи марказий ва ҳудудий кенгашлари ваколатининг кенгайтирилгани улар ижтимоий ҳаётга фаол аралашувига имкон бермоқда. Айниқса, билиб-билмай жиноят йўлига кириб қолган ёшларни тўғри йўлга қайтариш, бандлигини таъминлаш бўйича қатор ишларни амалга оширмоқда. Маълумотларга кўра, 2018 йилда умумий ҳисобда Наманган вилоят, шаҳар ва туман судлари томонидан 1414 жиноий иш кўриб чиқилган. Ушбу жиноий ишларнинг 1300дан ортиғи 14-30 ёшгача бўлган йигит-қизлар томонидан содир этилган.

— Ўзбекистон Ёшлар иттифоқи вилоят кенгаши йил давомида турлича кўринишдаги жиноят содир этгани учун жавобгарликка тортилган 103 нафар йигит-қизни жазодан сақлаб қолиш ёки жазосини енгиллаштириш учун белгиланган тартибга мувофиқ вилоят, шаҳар ва туман судларига «Кафиллик хати» тақдим этди, — дейди Ёшлар иттифоқи Наманган вилоят кенгашининг юристи Жасур Ҳасанов. — Бунда албатта, содир этилган жиноятнинг оғир ва енгиллиги ҳисобга олинди. Афсусланарли томони шуки, жиноятга қўл урган ёшларнинг аксари туппа-тузик оилалар фарзандларидир. Уларнинг жиноят йўлига кириб қолишларига тажрибасизлиги, ўз ҳатти-ҳаракатларининг оқибатини ўйлаб кўришмаганлиги сабаб бўлган.

Мисолларга мурожаат қилайлик. Учқўрғонлик Муроджон Садриддинов 1992 йилда туғилган. Дўстларидан бирининг тўйига боришни маслаҳатлашиш учун синфдошлари билан учрашади, спиртли ичимлик ичади ва унинг таъсирида тенгдошларидан бирига оғир тан жароҳати етказади.

Жиноят кодексининг 104-модда 1-қисми билан айбланган Муроджон 4 йилга озодликдан маҳрум қилиниши керак эди. Ўзининг қаттиқ пушаймонлиги ҳамда Ёшлар иттифоқи вилоят кенгашининг кафилликка олиши билан унга нисбатан жазо чораси енгиллаштирилди.

Норинлик 20 ёшли Мохпар эса қўшни хонадонлардан бирига кириб, ҳеч ким йўқлигидан фойдаланиб, пул ва қимматбаҳо буюмларни ўғирлаган. Жиноят кодексининг 169-модда 2-қисми г банди билан айбли деб топилган Мохпар Ёшлар иттифоқи вилоят кенгаши кафиллиги билан жазодан озод этилди.

Косонсойлик Муҳаммаджон Ҳамитов 26 ёшда. «Наманганкимёсавдо» МЧЖга қарашли 1-савдо шахобчасида мудир вазифасида ишлаётганди. Аммо унинг ҳисоб-китобни пухта юритмаслиги панд берди. Назорат текшируви жараёнида дўкондан 27 миллион сўмлик камомад аниқланди. Муҳаммаджон ЖКнинг 167-моддаси 2-қисми б.г бандлари билан айбли топилди. Бироқ ­Муҳаммаджон камомадни тўла қоплагани, муқаддам судланмагани ва ўз қилмишидан пушаймонлиги инобатга олинди. Ёшлар иттифоқи вилоят кенгашининг кафиллиги билан суд унга жарима жазосини қўллади.

Маълумки, жиноятга жазо муқаррар. Шу ўринда бир фикрни айтишга тўғри келади. Кафилликка олиш асосида тарбиявий таъсир чоралари кўрилади, албатта. Аммо ёшларимиз бу меҳр-оқибат, бағрикенгликдан хулоса чиқариб олишлари керак.

 

Носиржон ДЕҲҚОНОВ,

«Ўзбекистон овози» мухбири.



DB query error.
Please try later.