Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
29.01.2019

ИЛК САБОҚЛАР

Университетга кирганимдан буён ҳаётим янада қизиқарли, унумли ўта бошлади. Ҳар куни бир олам таассуротлар билан уйга қайтаман. Кўзимни очишим билан ўйлайман: бугун мени яна нималар кутаётган экан?

Дарслар давомида «Матбуот уйи»ига бориб, газета, журналлар фаолияти билан танишамиз, муҳаррир, журналистлар билан давра суҳбатлар ўтказамиз. Ўтган йили «Медиа таҳририят структураси» фани ўқитувчиси Перхан Аллабергенова бошчилигида «Маърифат», «Ўзбекистон овози», «Ишонч», «Ёшлар овози» каби газеталар таҳририятлари ва Ўзбекистон ахборот агентлигига борган эдик. Ҳеч эсимдан чиқмаса керак, устозимиз 12:10 да «Матбуот уйи»га етиб келинг, дегандилар. Биз биринчи кундан масъулиятсизлик қилиб, айтилган вақтдан кеч борди-гу, бошқа бу ҳолни такрорламайдиган бўлдик. Чунки ўша куни роса гап эшитиб, қилган ишимиздан уялиб қолдик. Ҳақиқатан ҳам, журналист, авваламбор, масъулиятли бўлиши, белгиланган жойга вақтидан ҳам олдин бориши керак. Бу бизнинг илк сабоғимиз эди.

Ҳар жума куни университетимизга таниқли журналист, адабиётшунослар меҳмон бўлишади. Улардан ўзимизни қизиқтирган саволларга жавоб олиб, билимимизни бойитиб, мустаҳкамлаб боряпмиз. Хуршид Дўстмуҳаммад келганларида анчадан бери ўйлаб юрган нарсамни сўраб олдим. Мақола ёзмоқчи бўлсам, уни бошлаб олишга роса қийналаман. Тажрибали мутахассисларда бу жараён қандай экан, деб қизиқардим. Устоз саволимга жавобан «яхши ёзаман», деган кўпчиликда шунақа бўлади, дедилар. Шу гапни эшитганимдан кейин мақолани бошлаб олишим янаям қийинлашиб кетди. Муваффақиятга осонликча эришиб бўлмайди. Кўп тер тўкиш керак. Бу — иккинчи сабоқ эди.

Кейинги жумаларда филолог Омонулла Мадаевдан сўзга бўлган масъулиятни, ҳарбий журналист Алижон Сафаровдан касбий жасоратни, профессор, қодирийшунос Баҳодир Каримовдан завқ билан қилинмаган ишнинг унуми бўлмаслигини ўргандик.

Ҳозирча хулосам шундай: журналист ўз фикрини ўтказиши эмас, етказиши керак!

 

Мухлиса АЛИМОВА,

ЎзЖОКУ талабаси.



DB query error.
Please try later.