Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2018   
Du Se Cho Pa Ju Sha Ya
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6
28.12.2017

КЕЛИНГ, КЎРИНГ УЙИМИЗНИ

Пойтахтимизнинг Сергели туманида қурилган янги кўп қаватли уй-жойлардан бир нечта хонадон имконияти чекланган, эътиборга муҳтож инсонларга топширилди.

Шу муносабат билан ўтказилган тадбирда Тошкент шаҳар ҳокими Р.Усмонов ва бошқалар мамлакатимизда аҳолининг турмуш даражасини юксалтириш, эҳтиёжмандларни қўллаб-қувватлаш, уларни замонавий, шинам, арзон уй-жойлар билан таъминлаш масаласи давлат сиёсатининг муҳим йўналишларидан бири эканини таъкидлади.

Жорий йилда Тошкент шаҳар ҳокимлиги, Ўзбекистон Касаба уюшмалари федерацияси, Хотин-қизлар қўмитаси, “Соғлом авлод учун” халқаро хайрия жамғармаси, “Маҳалла” хайрия жамоат фонди ва бошқа ташкилотлар ҳамкорлигида саккиз юздан зиёд эътиборга муҳтож инсонга ногиронлик аравачалари, эшитиш мосламаси, бошқа зарурий тиббий анжомлар, дори-дармонлар ҳамда озиқ-овқат маҳсулотлари мунтазам бериб борилди.

Шунингдек, уй-жойга муҳтож 30 нафар юртдошимизга уй олиши учун бошланғич маблағ тўлаб берилди. Тошкент шаҳрида яшовчи имконияти чекланган фуқароларнинг 44 нафари имтиёзли, арзон, барча шарт-шароитга эга кўп қаватли уйлардан ўз хонадонига эга бўлди.

– Биргина бизнинг туманимиздан бешта ана шундай оила Янги йилни ўзининг янги уйида нишонлайди, – дейди Бектемир тумани ҳокими ўринбосари, туман хотин-қизлар қўмитаси раиси Зиёда Тоҳирова. – Уларнинг қувончини кўринг. Эътибор ва эъзоздан мамнун. Бу уларнинг кўзида, сўзида мужассам. Юртимизда давом этаётган бундай хайрли, эзгу ишлар фуқароларнинг манфаатлари ҳамиша ҳимояда эканининг ифодасидир.

Ушбу туманда яшовчи Абдулла Баҳовуддинов автоҳалокат сабабли икки оёғидан ажралганди. Кичкина ҳовли-жойда 4 оила истиқомат қилиб келарди. Янги хонадонлардан бири унга берилди.

Тадбир доирасида кардиолог, терапевт, педиатр, окулист ва бошқа мутахассислардан иборат гуруҳлар иштирокчиларни лаборатория, ЭКГ, УТТ ёрдамида тиббий текширувдан ўтказди.

Нуронийлар, имконияти чекланганлар, эҳтиёжманд оилалар вакиллари учун байрам дастурхони ёзилди. Уларга уй калитлари билан бирга уй-рўзғор учун керак бўладиган маиший техникалардан иборат совғалар ҳам топширилди.

Тадбирда Ўзбекистон Республикаси Президентининг Давлат маслаҳатчиси Т.Худойбергенов иштирок этди.

 

Барно МЕЛИҚУЛОВА,

ЎзА мухбири.



DB query error.
Please try later.