11.03.2017

МЕТРО ПЕНСИОНЕРЛАР УЧУН БЕПУЛ БЎЛДИ

Тошкент шаҳар ҳокимлигида навбатдаги брифинг бўлиб ўтди. Унда Вазирлар Маҳкамасининг «Тошкент метрополитенида пенсионерларга бепул хизмат кўрсатиш тўғрисида»ги қарори ҳақида атрофлича ахборот берилди.

— Кексаларимизни асраб-авайлаш, ҳар бир нуроний отахон ва онахонга ғамхўрлик ва эътиборни янада кучайтириш, шаҳар йўловчи транспорти хизматидан фойдаланишда қўшимча қулайликлар яратиш мақсадида Вазирлар Маҳкамасининг жорий йил 9 мартдаги Тошкент метрополитенида пенсионерларни бепул ташиш тўғрисидаги қарори билан отахону онахонларнинг мазкур транспорт хизматидан имтиёзли фойдаланишининг ҳуқуқий асоси мус­таҳкамланди, — дейди «Ўзбекис­тон темир йўллари» акциядорлик жамияти бошқаруви раисининг ўринбосари, «Тошкент метрополитени» унитар корхонаси раҳбари Ойбек ­Худойқулов. — Унга мувофиқ, метрополитен кассаси операторига пенсия гувоҳномаси кўрсатилгандан кейин бир марталик махсус жетон тақдим этилади. Мазкур жетон билан пенсионер алоҳида ажратилган турникетдан ўтади. Қайд этиш жоизки, пенсионерлик гувоҳномасига эга бўлган мамлакатимизнинг барча фуқаролари бу имтиёздан фойдаланишлари мумкин.

Пенсионерлар Тошкент метрополитени хизматидан 15 мартдан бошлаб бепул фойдаланиши мумкин. Ушбу имтиёз ҳар куни соат 10.00 дан 16.00 га қадар амал қилади.

 

Тоштемир ХУДОЙҚУЛОВ,

«Ўзбекистон овози» мухбири. 



DB query error.
Please try later.