Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
27.12.2018

БОШ ПРОКУРАТУРА: 90143 НАФАР ФУҚАРОНИНГ БУЗИЛГАН ҲУҚУҚИ ТИКЛАНДИ

«Тараққиёт стратегияси» марказида «2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясининг «Фаол тадбиркорлик, инновацион ғоялар ва технологияларни қўллаб-қувватлаш йили»да амалга оширишга оид Давлат дастури»да Бош прокуратура масъул ҳисобланган бандлар ижросининг дастлабки натижаларига бағишланган матбуот анжумани бўлиб ўтди.

Тадбирда Бош прокурор ўринбосари Эркин ­Юлдашев «Тараққиёт стратегияси» маркази директори Акмал Бурхонов, Бош прокуратура Академияси бошлиғи Евгений Коленко, Бош прокуратура таркибий тармоқлари раҳбарлари, шунингдек оммавий ахборот воситалари вакиллари иштирок этди.

Бош прокурор ўринбосари Э.Юлдашев матбуот анжуманини кириш сўзи билан очиб, Стратегияни амалга оширишга оид Давлат дастурида белгиланган вазифаларни бажаришда Бош прокуратура томонидан ҳам кенг кўламли ишлар амалга оширилганлигини таъкидлаб ўтди.

Жорий йилда прокуратурага 264 минг нафардан зиёд фуқаро мурожаат қилган. 41434 мурожаат қаноатлантирилган. 90143 нафар фуқаронинг бузилган ҳуқуқи тикланган. Шунингдек, давлат бошқарув органлари тизимини тубдан такомиллаштириш, ижро этувчи ҳокимият органларининг асосий вазифалари, ҳуқуқлари ва жавобгарлиги доирасини қайта кўриб чиқиш асосида жами 86 та норматив-ҳуқуқий ҳужжат лойиҳалари Бош прокуратуранинг бевосита иштирокида ишлаб чиқилиб, қабул қилинганлиги алоҳида қайд этилди.

Тадбирда Бош прокуратуранинг таркибий тармоқлари раҳбарлари Давлат дастурининг амалга оширилиши юзасидан ахборот бердилар. Хусусан, Давлат бошқаруви тизимини ислоҳ қилиш, суд-ҳуқуқ тизимида қонунийликни янада мустаҳкамлаш, иқтисодиётда давлат иштирокини камайтириш, кичик бизнес ва хусусий тадбиркорлик ривожини рағбатлантиришга қаратилган ислоҳотларни давом эттириш, хавфсизлик, диний бағрикенглик ва миллатлараро тотувликни таъминлаш соҳасидаги устувор йўналишлар бўйича амалга оширилган ишлар борасида ҳам маълумот берилди.

Тадбирнинг иккинчи қисмида Бош прокуратура мутасадди ходимлари журналистларни қизиқтирган саволларга жавоб беришди.

 

Равшан ШОДИЕВ,

«Ўзбекистон овози» мухбири.



DB query error.
Please try later.