Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
25.09.2018

«ОППОҒОЙ» ЭРТАГИ БАЛЕТ ТАЛҚИНИДА

«Оппоғой» ҳақидаги эртак асосида яратилган мулътфилмларни нафақат болалар, ҳатто ота-оналар ҳам қизиқиб томоша қилишади. Лекин бу эртакни балет сифатида тасаввур этиб кўрганмисиз?..

Пойтахтимиздаги Алишер Навоий номидаги Давлат Академик Катта театри саҳнасида «Оппоғой ва етти гном» балет спектаклининг премьераси бўлиб ўтди. Унда Тошкент давлат миллий рақс ва хореография олий мактаби профессор-ўқитувчилари, талабалари иштирок этишди.

 Ушбу балетни К.Хачатурян мусиқасига балетмейстер, хореограф Равшан Чориев саҳналаштирган бўлиб, Оппоғой образини Элъмира Юсупова, шаҳзода образини Достон Турғунов яратган.

 Маълумки, балет оддий спектаклдан фарқли равишда сўзсиз, фақат рақс ҳаракатлари ва актёрлик маҳоратини талаб этади. «Оппоғой» ҳақидаги балет ҳам мураккаб ҳаракатларга бой, рақслар ранг-баранг. Нафис, кўркам баъзида сокин, гоҳида шиддаткор. Рақс ҳаракатлари асар қаҳрамонларининг феъл атворидан келиб чиқиб, саҳналаштирилган.

 Айниқса балетнинг саҳна декоратцияси барча томошабинларни ҳайратга солди. Масалан, ўрмоннинг кўриниши, қироличанинг саройи, баҳор, қиш фаслларининг бари очиб берилган. Шу­нинг­дек, актёрларнинг либослари образларнинг характеридан келиб чиқиб жуда мос танланган. Аммо баъзи жойларида жузий камчиликлар ҳам йўқ эмас. Масалан, бир пардадан бошқа пардага ўтиш вақтида бироз кутиш холатлари ва тайёргарлик жараёнлари... Томошабинлар саҳна ортидаги ҳолатларни кўриши асар нуфузига бироз бўлса-да путур етказади.

 «Оппоғой» эртагини айнан балет талқинида томошабинлар эътиборига хавола этишдан мақсад нима? Биз бу саволга жавоб топшимиз учун олдин мана шу асарнинг ғоясига эътибор беришимиз лозим. Ушбу асарнинг ўзига хослиги шундаки, унда эзгулик билан ёвузлик, ёруғлик ва зулмат ўртасида кескин кураш бориши, ёмонликнинг устидан яхшиликнинг ғалаба қозониши, бир сўз билан айт­ганда, бу асар инсонларни яхшиликка чорлайди. Асарни айнан балет кўринишида саҳналаштириш балетмейстердан жуда катта маҳорот талаб этади. Биламизки, болалар жуда қизиқувчан, ўй хаёллари тарқоқ бўлади. Улар мана шундай содда, қизиқарли спектаклларни томоша қилиши муҳим аҳамиятга эга. Агар мана шу балет томошасига ота оналар фарзандлари билан келишса, биринчидан, болаларда балет санъатига кўникма пайдо бўлади, иккинчидан, улар қалбида инсоний фазилатлар шакллана бошлайди.

 

Мафтуна МИРЗАХЎЖАЕВА

 



DB query error.
Please try later.