10.06.2017

ЎЗБЕКИСТОН ЧЕМПИОНЛАРИ АНИҚЛАНДИ

Пойтахтимизда шоҳмот бўйича Ўзбекистон чемпионатининг олий лига мусобақалари бўлиб ўтди. Мазкур чемпионат Жисмоний тарбия ва спорт давлат қўмитаси ҳамда мамлакатимиз шоҳмот федерацияси томонидан ташкил этилди.

Чемпионатнинг эркаклар ўртасидаги баҳсларида ФИДЕ устаси ­Алишер Бекмуродов ўн бир имкониятдан 7,5 очко жамғариб, олтин медални қўлга киритди. 7 очкодан жам­ғарган Шамсиддин Воҳидов ва ­Акмал Файзуллаев қўшимча кўрсаткичлар бўйича иккинчи ва учинчи ўринлардан жой олди.

Хотин-қизлар ўртасидаги баҳслар тўққиз турдан иборат бўлди. Мусобақа натижасига кўра, 6,5 очко жамғарган Нодира Нодиржонова Ўзбекистон чемпиони бўлди. Иккинчи ўрин Гулруҳбегим Тоҳиржоновага насиб этди. Чемпионатни 5,5 очко билан якунлаган Баҳора Абдусатторова учинчи ўринни эгаллади.

Энди Нодира Нодиржонова ­жорий йилнинг сентябр ойида ­Туркманистоннинг Ашхобод шаҳрида ўтказиладиган Ёпиқ иншоотлардаги Осиё ўйинларида мамлакатимиз номидан иштирок этади.

 

«Ўзбекистон овози» мухбири

Шаҳбоз САИДОВ тайёрлади.



DB query error.
Please try later.