10.06.2017

ТАЭКВОНДОЧИЛАРИМИЗ ВЬЕТНАМДАН 12 МЕДАЛЬ БИЛАН ҚАЙТИШДИ

Вьетнамда таэквондо (WTF) бўйича кадетлар ўртасида II Осиё чемпионати бўлиб ўтди. Керуги ва пумсе йўналишлари бўйича ўтказилган мусобақада 20 га яқин мамлакатдан спортчилар иштирок этди. Унда терма жамоамиз аъзолари 2 олтин, 2 кумуш ва 8 бронза медални қўлга киритди.

Мусобақанинг керуги йўналиши бўйича Азизбек Раҳмонбердиев олтин, Амир Тўраев ва Муниса ­Каримова кумуш медаль соҳиби бўлди. Шунинг­дек, Даниил Ким, ­Ирода Миртожиева, Ксения Смирнова ва ­Севинч ­Мусирова ўз вазн тоифаларида бронза медали билан тақдирланди.

Пумсе йўналишининг яккалик баҳс­ларида иштирок этган Ирода ­Умрзоқова олтин, Айнура Умрзоқова ва Исломбек Ражаббоев бронза медалларига сазовор бўлди. Шунингдек, мазкур йўналишнинг жуфтликлар ўртасидаги баҳсларида Ирода Умр­зоқова ва Исломбек Ражаббоев бронза медалларини қўлга киритди.

 

«Ўзбекистон овози» мухбири

Шаҳбоз САИДОВ тайёрлади.



DB query error.
Please try later.