Охирги сонда



Кўп ўқилган мақолалар



Долзарб мавзу



Мақолалар архиви

«    Iyul 2017   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
04.04.2017

XIV-XV АСРЛАРГА ОИД УЛКАН ХУМ ТОПИЛДИ

Дунё мўъжизалар уммонидир. Баъзан ҳайвонот оламининг ўзига хослигига маҳлиё бўл­сак, гоҳида наботот дунёсининг гўзаллигидан лол қоламиз.

Қадим Сурхоннинг виқорли тоғлари, ажойиб кенг­ликла­­ри-ю бепоён чўллари ҳам ана шундай сиру синоатлардан дарак беради. Шундан бўлса керак, ҳар биримиз мозий ­қат-қатидаги тилсимларнинг ошуфтасимиз. Яқинда Термиз шаҳри, Ибн Сино кўчасида ноёб топилмага дуч келинди. Қурилиш ишлари давомида қазилаётган ҳудуддан улкан хум топилди.

— Айни кунларда бу хум музейимизда сақланмоқда, — дейди Термиз Археология музейи директори Зебунисо Алимардонова. — Дон ва суюқлик сақлашда фойдаланилган ёдгорлик XIV-XV асрларга тегишли эканлиги аниқланди. Шарсимон-овал шаклдаги хазинанинг баландлиги бир метр­га тенг. Оғзи тор, гардиши ташқи томонга қайрилган. Сирти қора рангли чизиқлар билан безатилган. Экспонат тарихчи, археолог ва меҳмонларда катта қизиқиш уй­ғотмоқда.

Мутахассисларнинг таъкидлашича, ўзига хос тарихга эга хум қадим Термиз темурийлар даврида гуллаб-яшнаган маконлардан бири бўлганидан далолат беради. Қолаверса, бу топилма Жайхун соҳилида ҳунармандчилик, кулолчилик, темирчилик, наққошлик ва бош­қа соҳалар ривожланганининг ёрқин ифодаси ҳамдир.

 

Абдумалик ҲАЙДАРОВ,

«Ўзбекистон овози» мухбири.



DB query error.
Please try later.