18.04.2017

КЎРГАЗМА АМАЛИЙ НАТИЖАЛАРГА БОЙ БЎЛДИ

«Ўзкўргазмасавдо» марказида «BankEXPO — 2017» Х миллий кўргазмаси бўлиб ўтди. Унда мамлакатимизда фаолият кўрсатаётган тижорат банклари, кредит ташкилотлари, етакчи суғурта, лизинг, ахборот технологиялари компаниялари томонидан таклиф этилган маҳсулот ва хизматлар намойиш этилди.

Кўргазмада кичик бизнес ва хусусий тадбиркорлик субъектлари, тадбиркор аёллар ҳамда тадбиркорлик фао­лиятини бошлаш истагида бўлган таълим муассасалари битирувчиларига банк хизматлари ҳақида маълумот ва тавсиялар беришга алоҳида эътибор қаратилди.

— Банкимиз бугунги кунда республикамизнинг барча ҳудудларида тадбиркорлик субъектларига хизмат кўрсатиб келмоқда, — дейди «Микрокредитбанк» акция­дорлик тижорат банкининг юридик шахсларни кредитлаш департаменти директори ­Зафар Ахмедов — Жорий йилда «Аҳолини тадбиркорликка жалб қилиш» лойиҳаси ишлаб чиқилган бўлиб, унда фуқароларнинг тадбиркорлик қобилиятини аниқлаш ва ривожлантириш, уларнинг банк хизматлари ва кредит маблағларига бўлган эҳтиёжларини қондириш каби масалалар кўзда тутилган.

— Кўргазма доирасида аҳоли ва тадбиркорлик субъ­ектларига замонавий банк хизматлари таклиф этилмоқда, — дейди акциядорлик-тижорат «Қишлоқ қурилиш банк» ахборот хизмати раҳбари Шуҳрат Орипов. — Банк жисмоний шахслардан тўловларни қабул қилиш учун мўлжалланган Android платформаси асосида ишлайдиган мобиль қурилмалар учун замонавий дастур бўлган «QQB Mobile» дастурини жорий этди. Ушбу тизим коммунал, истеъмол ва ипотека кредитлари учун тўловларни амалга ошириш, ҳисоб-рақамлари ҳолатини кўриш ва тўлдириш ҳамда онлайн Smart-Viza пластик карта қолдиқлари ва унинг айланмалари бўйича маълумотлар олиш, АТБ «Қишлоқ қурилиш банк» тизими ичида маблағларни бир пластик картадан бошқа картага ўтказиш, йўл ҳаракати хавфсизлиги бош­қармаси жарима тўловларини амалга ошириш имконини беради.

— Халқ банки тизимида қўшимча равишда янги ­био­метрик технологиялар асосида мижозларнинг «бармоқ изи» лойиҳаси бўйича шахсини идентификация қилиш, шунингдек, банк операцияларини ўтказишда шахсини тасдиқловчи ҳужжатлар (паспорт ёки бошқалар) алмаштириш жараёнида бўлган ёки йўқотилган ҳолатларда мижозлар шахсини тасдиқлаш мақсадида тезкор, ишончли ва кам вақт олувчи тизим яратилди, — дейди Халқ банки жамғарма ­опе­рация­лари ва мини банклар департаменти бўлим бошлиғи Абдулазиз ­Меҳмонов.

— Мен узоқ йиллардан бери Халқ банки мижозиман, — дейди Фарғона вилояти Қўштепа туманидаги «Шукр­давлат» кўп тармоқли хусусий фирмаси раҳбари Шукуржон Сайдуллаев. — Банкнинг ­Фарғона вилояти Қўштепа филиалидан чорвачилик ҳамда сут маҳсулотларини қайта ишлаб чиқаришни йўлга қўйиш учун олган 1 миллиард 300 миллион сўм кредит эвазига ­наслли чорва моллари сотиб олдик. Натижада 25 га яқин йигит-қиз иш билан таъминланди. Бугун Халқ банки томонидан ўтказилган танловнинг «Энг яхши озиқ-овқат маҳсулотлари ишлаб чиқариш» номинацияси бўйича ғолиб бўлдик.

 

Моҳира СИДИҚМЕТОВА



DB query error.
Please try later.