Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2017   
Du Se Cho Pa Ju Sha Ya
27 28 29 30 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
25.02.2017

«ЎЗБЕККЎМИР»НИНГ ИСТИҚБОЛЛИ ЛОЙИҲАЛАРИ

Мутахассисларнинг таҳлилларига кўра, юртимизда 5,7 миллиард тонна атрофида кўмир захиралари мавжуд. Бугунги кунда қаттиқ ёқилғи ишлаб чиқаришга замонавий технологияларни жорий этиш, ишлаб чиқаришни модернизация қилиш борасида амалга оширилган ислоҳотлар туфайли электроэнергетика тармоқлари, саноат корхоналари, ижтимоий объектлар ва аҳолига кўмир маҳсулотлари ўз вақтида, керакли миқдорда етказиб берилмоқда.

«Ўзбеккўмир» акциядорлик жамияти томо­нидан ўтказилган мат­буот анжуманида соҳада амалга оширилган ишлар, истиқболдаги вазифалар ҳақида сўз борди.

Вазирлар Маҳкамасининг 2016 йил 30 де­кабрдаги «Республика аҳолиси ва бюджет ташкилотларига кўмир маҳсулотлари етказиб бериш механизмини такомиллаштиришга доир қўшимча чо­ра-тадбирлар тўғрисида»ги қарори ишимизда дастуриламал бўлиб хизмат қилмоқда, — дейди «Ўзбеккўмир» акция­дорлик жамияти бош директори ўринбосари Носир Умаров. — Жамиятимиз тасарруфидаги корхоналар томонидан ҳар йили 4 миллион тоннага яқин кўмир қазиб олинади. Уларни сақлаш ва истеъмолчиларга етказиб бериш мақсадида мамлакатимизнинг барча ҳудудларида 84 кўмир омбори қурилмоқда ва брикет иш­лаб чиқариш ускуналари билан жиҳозланмоқда. Бу эса кўмир брикетлар тайёрлаш ҳаж­мини 800 минг тоннадан ошириш имконини берди. Айни пайтда аҳолини арзон кўмир билан таъминлаш чоралари ҳам кўрилмоқда. Жорий йилнинг 1 мартигача «Ўзбекистон темир йўллари» акциядорлик жамиятига кў­мир ташиш учун 50 фоиз миқдорида чегирма берилиши ҳисобига аҳолига сотиладиган кўмирнинг чакана нархи 13 фоизга камайтирилди.

 Матбуот анжуманида соҳани ривожлантиришга оид режалар ҳақида батафсил маълумот берилди. Кўмир саноатини 2017-2021 йилларда ривожлантириш ва модернизация қилиш дастури асосида умумий қиймати 690,5 миллион долларлик 6 инвестицион лойиҳа амалга оширилади. Учта коннинг бос­қичма-босқич ишга ту­ширилиши натижасида 2017 йилда кўмир қазиб олиш ҳажми 3,92 миллион тоннага етказилади.

Тадбир сўнгида журналистлар ўзларини қи­зиқтирган саволларга батафсил жавоб олдилар.

 

Ўз мухбиримиз.


Фикр ва мулохазалар

Защита от автоматических сообщений

Сўнгги янгиликлар: