10.01.2017

ПЛАСТИК КАРТОЧКА ЭНГ ҚУЛАЙ ВОСИТА

Пластик карточкаларнинг ҳаётимизга кириб келганига ҳали унча кўп вақт бўлгани йўқ. Шунга қарамай, бу замонавий электрон тўлов воситаси орқали кўплаб юмушларни осон ва ортиқча харажатларсиз бажариш имконияти пайдо бўлди.

Ушбу карточкалар нақд пулсиз ҳисоб-китобни амалга оширувчи восита бўлиб қолмай, мамлакат иқтисодиётини кўтариш, молиявий тизимни мустаҳкамлаш, пул қадрсизланишининг олдини олишда муҳим роль ўйнамоқда.

Марказий банк ва Давлат солиқ қўмитаси томонидан ишлаб чиқилган ва кучга кирган «Тўлов терминаллари билан жиҳозлаш ва аҳоли билан пул ҳисоб-китобларини амалга оширишда уларни қўллаш тартиби тўғрисида»ги Низом пластик карточкалар билан муомалани янги босқичга кўтарди.

Мазкур ҳужжатга мувофиқ, мулкчилик шаклидан, савдо ҳажмидан қатъи назар, савдо майдони 150 кв.м. дан катта бўлган савдо нуқталарида, товарлар сотиш ва хизматлар кўрсатишга мўлжалланган жой ёки иншоотларда, шунингдек, савдо ва хизмат кўрсатиш объектларида тўлов терминали мажбурий ўрнатилиши белгилаб қўйилди. Энг асосийси, ушбу Низом плас­тик карточка эгаларининг ҳуқуқларини ҳимоя қилиш борасида ҳам муҳим қадам бўлди.

Бугунги кунда аҳолининг пластик карточкалардан самарали фойдаланиши учун кўплаб қулайликлар яратилаётганлиги аҳолининг плас­тик карточкаларга бўлган ишончини янада мустаҳкамламоқда.

 «Клик» ва «СМС-Тўлов» тизимлари орқали пластик карталардаги маблағлардан мобиль телефон ва интернет орқали тўловларни амалга ошириш имконияти яратилган бўлса, «Мобиль савдо» янги хизмат тури жорий қилиниб, савдо шохобчаларида товарлар ёки хизматлар учун тўловларни мобиль телефони орқали қабул қилиш йўлга қўйилди. Замонавий ахборот технологияларига асосланган хизматлар кўламини кенгайтириш, Ўзбекистон Республикасининг «Гаров реестри» ва «Кредит ахборот алмашинуви тўғрисида»ги қонунларига асосан тадбиркорларнинг кредит тарихини яратиш ва гаров муносабатларини электрон тарзда аниқлаш, кўрсатилаётган хизматлар сифатини ошириш мақсадида «Интернет банкинг», «СМС-банкинг» хизмат турлари жорий этилгани ҳам ижобий самара бермоқда.

Шунингдек, тижорат банклари томонидан кичик бизнес ва хусусий тадбиркорликни ривожлантириш, уларга замонавий техника-технология­лардан фойдаланган ҳолда масофавий электрон хизматлар кўламини ошириш ҳамда ишбилармонларнинг истиқболли бизнес лойиҳаларини электрон тарзда олиш ва баҳолаш олис ҳудудлардаги ишбилармонларга ҳам катта қулайлик ва имкониятлар яратаётир.

 

Элдор УСКАНОВ,

Тошкент давлат иқтисодиёт университети магистри.



DB query error.
Please try later.