Охирги сонда



Кўп ўқилган мақолалар



Долзарб мавзу



Мақолалар архиви

«    Iyun 2019   
Du Se Cho Pa Ju Sha Ya
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
21.05.2019

ДИРЕКТОР ҲИМОЯГА ОЛИНДИ, АЙБДОРЛАР БИЛАН МЕҲНАТ ШАРТНОМАСИ БЕКОР ҚИЛИНДИ

Газетамизнинг жорий йил 23 апрель сонидаги «Мактаб директори нега бўшатилди?» сарлавҳали мақолада Урганч шаҳридаги 24-сонли умумтаълим мактаби директори З.Ибрагимов бир неча марта ноқонуний ишдан бўшатилгани, унга турли ташкилотлар томонидан босим ўтказилаётгани ҳақида сўз юритилган эди. Халқ таълими вазирлиги ушбу мақолада келтирилган ҳолатлар бўйича қуйидагиларни маълум қилди:

«Хоразм вилояти халқ таълими бошқармаси бошлиғининг 2018 йил 23 июлдаги 149-К-сонли буйруғи билан З.Ибрагимов билан тузилган меҳнат шартномаси Ўзбекистон Республикаси Меҳнат кодексининг 100-моддаси 2-қисмининг 4-бандига биноан бекор қилинган.

З.Ибрагимовнинг фуқаролик ишлари бўйича Урганч туманлараро судига бошқарманинг 2018 йил 23 июлдаги буйруғини бекор қилиш бўйича даъво аризаси киритилган ва ушбу суднинг 2018 йил 7 декабрдаги Қарори билан З.Ибрагимовнинг даъво аризаси қисман қаноатлантирилган.

Хоразм вилоят халқ таълими бошқармаси томонидан ушбу суд қарорини бекор қилиш бўйича юқори органга аппеляция шикояти берилган. Фуқаролик ишлари бўйича Хоразм вилоят суди 2019 йил 26 март куни Хоразм вилоят халқ таълими бошқармасининг аппеляция шикояти ва Урганч шаҳар прокурори Ж.Давлатовнинг 2019 йил 12 февралдаги 14/19-сон протестини қаноатлантирмасдан қолдирган.

Хоразм вилояти халқ таълими бошқармаси Урганч туманлараро судининг 2018 йил 7 декабрдаги қарори ижросини таъминлаган. Бошқарма бошлиғининг 2019 йил 7 февралдаги 037-К-сонли буйруғи билан З.Ибрагимов 24-сон умумтаълим мактаби директори лавозимига тикланган. З.Ибрагимов мажбурий прогул кунлари учун иш ҳақини тўлиқ олганлиги ва мажбурий ижро бюросига ҳеч қандай эътирози йўқлиги ҳақида жорий йилнинг 7 февраль куни тилхат ёзиб берган.

Ўрганиш жараёнида аниқланишича, ҳақиқатан ҳам мақолада ёритилган салбий ҳолатларнинг юзага келишига йўл қўйганлиги ва бошқа камчиликлари учун Халқ таълими вазирининг буйруғига асосан Хоразм вилоят халқ таълими бошқармаси бошлиғи Э.Худойназаров ва Урганч шаҳар халқ таълими бўлими мудири Қ.Ғаффоров билан тузилган меҳнат шартномаси бекор қилинган.

Ҳозирги кунда Урганч шаҳридаги 24-сон умумтаълим мактаби директори З.Ибрагимов ўз лавозимида ишламоқда ва унинг фаолияти бевосита вазирликнинг назорат-ҳуқуқий хизмати назоратига олинди. Халқ таълими вазирлиги масъул ходими томонидан мактаб директори З.Ибрагимовга вазирликнинг назорат-ҳуқуқий хизмати ишонч телефони рақами берилиб, юқори ташкилотлар томонидан унга нисбатан уюштирилаётган тазйиқ ёки бошқа салбий ҳаракатлар ҳақида огоҳлантириши мумкинлиги тушунтирилди.

Хоразм вилояти халқ таълими бошқармаси раҳбар ва масъул ходимлари тегишли масалалар юзасидан огоҳлантирилиб, уларга ўз иш фаолиятини танқидий тарзда қайта кўриб чиқиб, меъёрий ҳужжатларни амалдаги қонун ва қонуности ҳужжатларига мувофиқ равишда қабул қилиш, Урганч шаҳридаги 24-сон умумтаълим мактабида соғлом ишчи муҳитини яратиш бўйича зарурий кўрсатмалар берилди

Вазирнинг биринчи ўринбосари А.Умаров».


Фикр ва мулохазалар

Защита от автоматических сообщений

Сўнгги янгиликлар: