Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
29.01.2019

ҲАМКОРЛИКНИНГ АМАЛДАГИ ИФОДАСИ

«Ўзагротехсаноатхолдинг» акциядорлик жамияти тизимидаги «ЎзКлаасАгро» Ўзбекистон — Германия қўшма корхонасида ишлаб чиқарилаётган қишлоқ ҳўжалиги техникалари бугун хорижда ҳам эътироф этилмоқда.

Ҳозир мамлакатимиздаги қай бир деҳқон ёки фермер хўжаликларида бўлманг, кўзингиз албатта «CLAAS» бренди остидаги «Dominator-130» ғалла ўриш комбайнлари ёки бўлмаса, «Arion-630C» русумли тракторларга тушади. Бу — бир-биридан кўркам ва қудратли техникалар айни дамларда халқимизнинг оғирини енгил, ҳаётини фаровон қилишда муҳим аҳамият касб этмоқда. Бундай қишлоқ хўжалиги техникалари эса Ўзбекистон ва Германия ишбилармонлари ҳамкорлигининг маҳсули – «ЎзКлаасАгро» қўшма корхонасида ишлаб чиқарилаётир.

Ўзининг илк фаолиятини 2010 йилда ғалла ўриш комбайнлари ва турли русумдаги тракторлар ишлаб чиқаришдан бошлаган мазкур қўшма корхона маҳсулотлари бугун «MADE IN UZBEKISTAN» тамғаси билан жаҳоннинг кўплаб мамлакатларида маълум ва машҳур.

Йиллик ҳисоботларни кўздан кечирамиз: қўшма корхонада ўтган 2018 йилда 240 миллиард 855 миллион сўмликдан зиёд қишлоқ хўжалиги техникалари, жумладан, 100 та «Dominator-130» ғалла ўриш комбайни, 224 та «Arion-630C» русумли трактор ва бошқа турдаги техникалар ишлаб чиқарилган ҳамда мамлакатимизнинг деҳқон ва фермер хўжаликларига етказиб берилган.

— Маҳсулотларимиз ўзининг юқори сифатлилиги ва рақобатбардошлиги билан ажралиб туради, — дейди қўшма корхона раҳбари Ҳасан Эшонқулов. — Боиси, ушбу техникалар барча зарур сертификатларга эга бўлиб, халқаро стандартларга мос. Эндиги мақсадимиз — имкониятлардан унумли фойдаланиб, жаҳон андозаларига мос маҳсулотларимизнинг экспорт ҳажмини ошириш, ички ва ташқи бозордаги ўрнимизни янада кенгайтиришдан иборат.

Дарҳақиқат, хорижий сармоядорлар билан алоқаларимиз тобора ривожланиб бормоқда. Маҳсулотларимиз жаҳон бозорига «Ўзбекистонда ишлаб чиқарилган», деган ёрлиқ билан кира бошлади. Улар орасида «ЎзКлаасАгро» қўшма корхонаси маҳсулотлари ҳам муносиб ўрин эгаллади.

 

Соҳибжон САЛИМОВ,

«Ўзбекистон овози» мухбири.



DB query error.
Please try later.