Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
29.01.2019

АВВАЛДАН ТАЙЁР ҚАРОР НОМИГА ДЕПУТАТЛАР ТАСДИҒИДАН ЎТИШИ КЕРАК ЭМАС

Президентимизнинг Олий Мажлисга Мурожаатномасида муҳим соҳаларда йўл қўйилган камчиликларнинг чуқур таҳлилини кўрдик, жорий йилда зиммамизга юкланган масъулиятли вазифалар кўламини аниқлаштириб олдик.

Мурожаатномада давлат бошқарувида парламентнинг реал таъсирини ошириш, вакиллик ҳокимиятининг ҳурматини жойига қўйиш бўйича муҳим таклиф ва ташаббуслар илгари сурилди. Дарҳақиқат, бу соҳада ечимини кутаётган масалалар оз эмас. Мисол учун, Олий Мажлис Бош вазирни тасдиқлайди, аммо вазифалар учун масъул бўлган тармоқ вазирлари бу жараёнда эътибордан четда қолади. Айни шу ҳолат маҳаллий Кенгашлар фаолиятида ҳам кузатилади.

Шунинг учун маҳаллий Кенгашларда ҳам вилоят ва туман идоралари раҳбарларини тасдиқлаш амалиётини жорий этиш лозимлиги алоҳида таъкидланди.

Маълумки, маҳаллий Кенгашларда ҳудудий идора раҳбарлари ҳисоботини эшитиш амалиёти жорий қилинган. Аммо тўғриси, унинг таъсир кучи сезилмаяпти. Нима учун?.. Муайян идора раҳбари депутатлар олдида ҳисоботни номига баён қилиш ва бир неча саволларга жавоб қайтариш билан чекланади. Ҳисобот депутатларни қониқтирмаса, ташкилот томонидан сусткашликка йўл қўйилган бўлса, бу ҳолатда маҳаллий Кенгаш ҳеч қандай таъсир кўрсатиш ваколатига эга эмас.

Қолаверса, ҳисобот берувчи раҳбарни лавозимга ҳоким тайинлаган бўлади, у фақат ҳоким олдида жавобгар сезади ўзини. Агар идора раҳбарларини депутатлар тасдиқласа, ҳисобот амалиёти самарали бўлади.

Айрим ҳолларда туман ёки вилоятларга бошқа ҳудудлардан кадрлар ҳокимликка тайинланади. Баъзан шундай бўляптики, янги ҳоким бирор идорага раҳбар тайинлашда унинг иш фаолияти ёзилган қоғоз (объективка) ҳамда юқори идора тавсияномасига суянади, ишонади. Депутатлар эса туман ёки вилоятдаги ишчан, салоҳиятли, виждонли кадрларни яхши билади. Маҳаллий идораларга раҳбарлар Кенгашларда тасдиқланиши шу жиҳатдан муҳим, деб ўйлайман. Чунки ўша тасдиқлаш жараёнида номзодга бериладиган саволлар маълум маънода бўлажак кадрнинг иқтидорини очиб бера олади.

Бир нарсани тўғри тушунишимиз керак. Тайинланган раҳбар эртага ишни тортиб кетолмаса, уни жазолаш ёки вазифасидан озод этиш билан ҳеч нимага эришиб бўлмайди, аксинча, қимматли вақт бой берилгани қолади.

Шунинг учун соҳаларга раҳбарларни танлашдан олдин номзодларни яхшилаб чиғириқдан ўтказиш зарур. Бу жараён очиқ ва шаффоф бўлиши жуда муҳим. Маҳаллий раҳбарларни Кенгашларда тасдиқлашни шу маънода кенг тушунишимиз керак. Яъни, ўта масъулиятли масалада қарор олдиндан ёзилган қарорни номига тасдиқлаш саҳнаси бўлиб қолмаслиги биз каби депутатларнинг қатъиятимизга боғлиқ.

Президентимизнинг 2017 йилдаги Олий Мажлисга Мурожаатномасида белгилаб берилган вазифалар бир йил ичида сиёсий, иқтисодий, ижтимоий соҳаларда қанчалик янгиликларни ҳаётга олиб кирганига гувоҳ бўлдик. Ишонамизки, парламент ва маҳаллий Кенгашлар фаолиятини кучайтириш юзасидан илгари сурилган бу галги янги ташаббуслар ҳам тезда ўз самарасини беради.

 

Рийимберган ЮСУПОВ,

ЎзХДП Хоразм вилоят кенгаши раиси, халқ депутатлари вилоят Кенгаши депутати.



DB query error.
Please try later.