Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
11.10.2018

УЛУҒ МАҚСАДЛАР ЙЎЛИДАГИ КЕЛИШУВЛАР

Ҳамид ҲОТАМОВ, Ўзбекистон халқ ўқитувчиси, Навоий вилояти, Навбаҳор туманидаги 37-ихтисослаштирилган мактаб-интернат ўқитувчиси:

— Мен тарих фани ўқитувчиси бўлганим учун нафақат мамлакатимиздаги, балки халқаро воқеаларни, Ўзбекистонимизга дунёнинг муносабатини катта қизиқиш билан кузатиб бораман. Президентимиз Шавкат Мирзиёевнинг Европадаги энг қадимий ва қудратли давлатлардан бири бўлган Францияга расмий ташрифи ҳам ҳар томонлама тарихий воқеа бўлди.

Бу учрашувни бошидан охиригача ҳаяжон ва ғурур билан кузатдим. Ўйлаб кўрайлик, аввало, бу ташриф Франция Президенти таклифига биноан амалга оширилди, иккинчидан, Президентимиз Париж шаҳрида юксак эҳтиром билан кутиб олинди, унга катта ҳурмат-эътибор кўрсатилди. Учинчидан, энг муҳими, ташриф жуда ҳам самарали бўлди. Тарихчи эмасманми, Ўзбекистон Президенти Шавкат Мирзиёев билан Франция Президенти Эммануэль Макрон учрашувларини кузатаётиб, бундан 600 йил муқаддам улуғ бобомиз Амир Темур билан Франция қироли Карл VI ўртасидаги ёзишмалар, муносабатлар беихтиёр ёдимга тушди. Ўша узоқ замондаёқ халқимиз Европа билан алоқаларни йўлга қўйгани, ўзаро дўстлик ва савдо битимлари бўйича ишончли келишувлар ўрнатилгани кишини ҳам ҳайратга солади, ҳам ғурурлантиради. Ўша қадим дўстона муносабатлар бугунги замонга мос равишда юқори бос­қичга кўтарилаётгани, кўлами кенглиги билан эътирофга муносибдир.

Яна бир масаладан ниҳоятда қувондим. Чунки, тарихчи бўлганим учун ҳам музей нима эканини яхши биламан. Президентимиз нафақат Франциянинг, балки дунё маданий мерослари жамланган Лувр музейини томоша қилаётганда янада ҳаяжонландим. Бу музейда Ўзбекистонга оид ноёб экспонатлар борлигини яхши биламан. Бунинг устига, қаранг, қувонмай, ғурурланмай бўладими, 2021 йилда бу машҳур музейда Ўзбекистоннинг тарихий меросига бағишланган кўргазма ташкил этиладиган бўлди.

Бу нимани билдиради? Демак, Ўзбекистон тарихига ва маданий меросига қизиқиш катта, тарихимизга юксак ҳурмат билан қаралмоқда. Бўлажак кўргазма туфайли Ўзбекистонни бутун ­Европа янада яқиндан билиш имконига эга бўлади. Ўзбекистон қандай юртлигини кўпроқ билган киши уни шунга яраша ҳурмат қилади, қадим юртимизга қизиқиши ортади, туристлар сафи ҳам кенгаяди.

Президентимизнинг ташрифи атиги икки кун бўлди. Аммо шу қисқа муддатда бир олам янгилик ва имкониятларга йўл очилди. Буларнинг ҳаммаси улуғ мақсадларга хизмат қилади, албатта.

 

Ўзбекистон журналистика ва оммавий коммуникациялар университети талабаси

Дилошода ОЛИМОВА

ёзиб олди.



DB query error.
Please try later.