Охирги сонда



Кўп ўқилган мақолалар



Долзарб мавзу



Мақолалар архиви

«    Iyun 2018   
Du Se Cho Pa Ju Sha Ya
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 1
06.01.2018

2018 ЙИЛ ТАРАҚҚИЁТИМИЗДА ҲАЛ ҚИЛУВЧИ ЙИЛ БЎЛАДИ

Меҳрож ДАРХОНОВ, Ўзбекистон ХДП Тошкент вилоят кенгаши раиси:

— Халқимиз Янги йилни катта орзу-ниятлар, режалар билан кутиб олди. Бугун қайси ҳудуд, қайси манзилни олиб қараманг, ўзгаришлар, янгиланишлар шиддати кириб бормоқда. Президентимизнинг Ўзбекистон халқига йўллаган Янги йил табригида билдирилган фикрлар бизга янада кўтаринки руҳ бағишлади.

Ўтган йил мамлакатимизда барча соҳаларни жадал ривожлантириш учун муҳим қонунлар, фармон ва қарорлар қабул қилинди. Янгича ишлаш механизмлари кўрсатиб берилди. Айниқса, сиёсий партиялар ва депутатлар олдига катта вазифалар қўйилди. Афсуски, ҳали биз бу ишларни тўлиқ амалга ошира олаётганимиз йўқ. Жойларда Жамоатчилик қабулхоналари ишлаб турибди, лекин фуқаролардан бўлаётган мурожаатларни ҳал қилишда айрим ҳолларда депутатларнинг ташаббускорлиги етишмаяпти. Қолаверса, ижро ҳокимияти идораларининг депутатлик сўровига бўлган муносабати ҳам ўзгаргани йўқ. Ана шу жиҳатларни инобатга оладиган бўлсак, ҳали олдимизда масъ­улият­ли вазифалар турганини яхшироқ англаймиз.

Президентимиз байрам табригида 2018 йил Ўзбекистон тараққиётида ҳал қи­лувчи йил бўлишини алоҳида таъкидлади. Демак, бу жараёнларда сиёсий партия ­фаоллари, депутатлар масъулиятни ўз зиммасига олиб, ислоҳотларнинг олди қаторларида бўлиши керак.

Янги йилда партиямизнинг электорати ҳисобланган жисмоний имконияти чекланган, ижтимоий ҳи­моя­га муҳтож аҳоли вакилларини ҳар томонлама қўллаб-қувватлаш, улар учун барқарор даромад манбаларини яратиш, иш билан таъминлашнинг янги, замонавий, инновацион технологияларга асосланган механизмларини таклиф этишга алоҳида эътибор бериш талаб этилади. Яъни, ҳар бир соҳага инновацион ғоялар, янги технологиялар кириб бориши керак. Шундагина мўл­жалланаётган марра ва натижаларга эришамиз.

 

Абдулҳамид НУРМАТОВ, Ўзбекистон ХДП Андижон вилоят кенгаши раиси, халқ депутатлари вилоят Кенгашидаги партия гуруҳи раҳбари:

— 2017 йил мамлакатимиз ташқи сиёсатида туб бурилиш палласи бўлди. Хусусан, яқин қўшни давлатлар билан савдо-иқтисодий, маданий-гуманитар соҳалардаги ҳамкорлик юқори даражага кўтарилди. Буни Андижон вилояти мисолида ҳам кўрсак бўлади. Энг муҳими, чегара постларидан ўтиб-қайтиш учун яратилган имкониятлар халқимизнинг руҳини кўтарди. Йиллар давомида бир-бирини кўришга қийналиб келаётган яқин қариндошлар дийдорлашишди.

Президентимиз Янги йил табригида бу масалага алоҳида эътибор қаратди. Яъни, қўшни давлатлар билан муносабатлар янгича руҳ ва мазмун касб этаётгани, бу эса минтақамизда ўзаро ишонч, дўстлик ва ҳамкорлик муҳитини янада кучайтириш учун мус­таҳкам замин бўлаётгани, энг асосийси, 2018 йилда ҳам бу стратегик йўл изчил ва фаол давом эттирилиши таъкидланди.

Мана шу фикрлар, айниқса, чегара ҳудудларида яшаёт­ган минглаб ватандошларимиз, уларнинг қўшни мамлакатлардаги қариндош-уруғлари кайфиятини, руҳиятини кўтариб юборди.

Ўтган йилдан бошлаб қўшни давлатлар билан алоқаларимизни мустаҳкамлаш бўйича янгича ёндашувларга ўтилди. Яъни, ҳамкорликни ҳудудлар даражасида ривожлантириш, маҳаллий ҳо­кимликлар ўртасида амалий мулоқот муҳитини яратишга, оддий одамлар борди-келди қилиб, дўстлашишига кенг йўл очиб беришга алоҳида эътибор қаратил­япти. Бу ташаббус жамоатчиликка ­маъқул бўлмоқда. Натижада янги ғоя­ларни амалга ошириш, тадбиркорликни ривожлантириш, иш ўринлари яратиш учун қулай муҳит юзага келмоқда.

Албатта, бу жараёнда бизнинг ҳам зиммамизда жуда муҳим вазифалар турибди. Бу йил тараққиётимизда ҳал қилувчи аҳамият касб этар экан, сиёсий партияларнинг Ўзбекистонда кечаётган бирор-бир жараёндан четда қолишга ҳаққи йўқ. Шуни тўғри англаб етган депутат ва партия етакчисигина амалга оширилаётган ислоҳотларнинг нафақат фаол иштирокчиси, балки ташкилотчиси ҳам бўла олади.

 

«Ўзбекистон овози» мухбири

Нурали ОРИПОВ ёзиб олди.



DB query error.
Please try later.