Охирги сонда



Кўп ўқилган мақолалар



Долзарб мавзу



Мақолалар архиви

«    Iyul 2017   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
08.04.2017

«ЭЛНИНГ АРДОҒИДАМИЗ»

Нотинч дунёда яшаяпмиз. Ер шарининг турли бурчакларида қарама-қаршиликлар авж олиб, уруш олови ёнаяпти. Бегуноҳ одамлар қони тўкилаяпти, шаҳарлар вайрон бўлиб, минг-минглаб одамлар жон сақлаш учун ўз юртини ташлаб кетаяпти. Ана шундай таҳликали бир даврда тинч ва осо­йишта ҳаётни қадрлаб яшаётган хал­қимиз Иккинчи жаҳон урушида жасорат кўрсатган, юртни фашизмдан омон сақлаган кекса авлод хизматини чуқур ҳис этади, уларга таъзим қилади.

Президентимизнинг «Иккинчи жаҳон уруши қатнашчиларини рағбатлантириш тўғрисида»ги Фармони ҳамда «Хотира ва Қадрлаш кунига тайёргарлик кўриш ва уни ўтказиш чора-тадбирлари тўғрисида»ги қарори бутун ­халқимизни, айниқса, уруш қатнашчиларини ниҳоятда қувонтирди.

 

Низомхон САТТОРОВ, Иккинчи жаҳон уруши қатнашчиси, Наманган шаҳри:

— Ҳарбий комиссариятнинг чақирув қоғози билан кўп қатори фашист босқинчиларига қарши урушга отланганимда 17 ёшли йигит эдим. Уруш менинг ёшлик орзуларимни, қувончларимни бир умрга ўғирлади. Мана, орадан салкам саксон йил ўтганига қарамасдан, уруш даҳшатлари кўз олдимдан кетмайди. Урушда ҳалок бўлган қуролдошларим ҳали-ҳамон тушимга кириб чиқади. Бизнинг авлод бутун ҳаёти давомида уруш асоратлари, уруш хотиралари билан бирга яшашга маҳкум этилган.

Бугунги тинч, фаровон, тўкин-сочин кунларимизга шукр қиламан. Вилоятимиздаги 87 нафар уруш қатнашчиси ўз ҳаётидан рози бўлиб умргузаронлик қилмоқда. Ёшинг ул­ғайгани сайин бироз эътиборталаб бўлиб қоларкансан. Маҳалладан, мактабдан ёки ҳокимиятдан кимдир сени сўраб келса, кўнглинг бирдан ёришиб кетади. Улар билан соатлаб суҳбат қургинг келади.

 Президентимизнинг бизга кўрсатган эътибори, меҳри, ғамхўрлиги эса, тўғриси, умримизга умр қўшди. Байрам муносабати билан уруш қатнашчилари ва фронт ортида матонат кўрсатиб меҳнат қилганлар ҳолидан хабар олиш, турар жойини таъмирлаш, ободонлаштириш ишлари бошланибди. Ҳатто уй-жойи бўлмаганларга турар жой ажратилар экан. Бундан таш­қари, ҳар бир уруш қатнашчисига икки миллион сўмдан пул мукофоти берилиши Иккинчи жаҳон уруши қатнашчилари қанчалик эъзозланаётганининг яна бир тасдиғи бўлди. Шифокорлар, маҳалла фаоллари ҳолимиздан тез-тез хабар олишади. Билсангиз, бутун элнинг ардоғидамиз.

Одам қаддини қадр тиклайди. Эътибор, эъзоз, ҳурмат ва иззат бор жойда қут-барака, меҳр-оқибат бўлади. Юртимиз тинч, фарзандларимиз соғ бўлсин.

Рашид РАҲМОНОВ, Иккинчи жаҳон уруши қатнашчиси, Самарқанд шаҳри:

— 94 ёшдаман. Мамлакатимизда кечаётган барча муҳим жараёнларни кузатиб бораман. Кеча телевидение ор­қали Президентимизнинг фармон ва қарорини эшитдим, кўрдим. Ҳамма уруш фахрийлари қатори жуда хурсанд бўлдим. Дуо қилдим.

Кексаликми, озгина ҳаяжонлансам, кечаси уйқум қочади. Тонггача мижжа қоқмадим. Бутун ҳаётим кўз олдимда гавдаланди. Уруш йилларини эсладим. Мустақилликнинг илк кунлари ёдимга тушди.

Очиғи, ўша даврлар билан бугунги кунларни мутлақо солиштириб бўлмайди. Катта ўзгаришлар бўлди. Ҳаётимиз фаровонлашди. Кексаларга эътибор ва ғамхўрлик кўрсатиш юқори даражага кўтарилди.

Эртаси куни «Нуроний» жамғармаси ­Самарқанд вилояти бўлими раиси Ҳасан ­Нормуродов уйимизга телефон қилиб, мендан ҳол-аҳвол сўради. Президентимизнинг эътибори кексалар умрига умр қўшаётгани ҳақида гапирди.

Ҳар қандай инсон ўзига кўрсатилган эътиборга муносиб жавоб бергиси келади. Мен педагог бўлганим учун ушбу фармон ва қарорнинг ёшлар тарбиясидаги аҳамияти беқиёс, деб ўйлайман. Улар ватан ҳимоя­си йўлида қон тўккан кекса авлодга кўрсатилаётган эътибордан ўзлари учун хулосалар чиқариб олишади, деб ўйлайман.

Биз, кексаларнинг ўғил-қизларимизга айтадиганимиз битта: бугунги олтин кунлар қадри, тинчликдек неъматнинг қадрига етиш керак, уни кўз қорачиғимиздек асраш керак. Халқимиз тинчлик йўлини танлаган. Илоҳим, Яратганнинг ўзи халқимиз тинчлиги ва осойишталигини берсин.

 

Нурали ОРИПОВ ёзиб олди.



DB query error.
Please try later.