Охирги сонда



Кўп ўқилган мақолалар



Долзарб мавзу



Мақолалар архиви

«    Oktabr 2019   
Du Se Cho Pa Ju Sha Ya
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
09.07.2019

ҲАРАКАТСИЗ НАТИЖА БЎЛМАЙДИ

Феруза ЭШМАТОВА, Олий Мажлис Қонунчилик палатасидаги Ўзбекистон ХДП фракцияси аъзоси:

— Икки палатали парламент ташкил этилганига қарийб 15 йил бўлди. Йиллар давомида унинг фаолиятини такомиллаштириш, халқаро майдондаги обрўсини оширишга ҳаракат қилинди.

Вақт ўтгани сайин биз Ўзбекистоннинг халқаро майдондаги обрў-эътиборини юксалтиришда Олий Мажлиснинг таъсирини ошириш муҳимлигини англай бошладик. Мамлакат раҳбари бу масалага эътиборимизни қайта-қайта қаратаётгани замирида ҳам ана шу юксак мақсад турибди. Сенатнинг 20-ялпи йиғилишидаги нутқида Президентимиз мазкур масалага алоҳида тўхталиб ўтди.

Ташқи сиёсат соҳасидаги фаолиятни амалга оширишда парламент ролини кучайтириш, мамлакатимизнинг халқаро имиджини мустаҳкамлаш, ташқи сиёсат ва ташқи иқтисодий фаолият соҳасидаги меъёрий-ҳуқуқий базасини ҳамда халқаро ҳамкорликнинг шартномавий-ҳуқуқий асосларини такомиллаштириш масалаларини устувор вазифалар сифатида белгилаб берди.

Миллий парламентларнинг ташқи сиёсат соҳасидаги фаолияти кенг маънода парламентлараро алоқалар, муносабатлар сифатида таърифланади, улар иккита асосий йўналишда, аввало, хорижий давлатлар миллий парламентлари билан ўзаро муносабатлар асосида, иккинчидан, парламентлараро ташкилотлар ва органлар билан ўзаро ҳамкорлик орқали амалга оширилади.

Шу нуқтаи назардан, Сенат йиғилишида бу масалалар билан боғлиқ 4 жиҳатга эътибор қаратилди. Биринчидан, Парламентлараро Иттифоқ, Европада хавфсизлик ва ҳамкорлик ташкилотининг Парламент ассамблеяси, Мустақил Давлатлар Ҳамдўстлиги парламентлараро ассамблеяси ва Ўзбекистон номидан Олий Мажлис аъзо бўлган бошқа халқаро парламент ташкилотлари билан ишлаш стратегиясини белгилайдиган, аниқ ва узоқ муддатни кўзлайдиган иш режаларини белгилаб олиш зарур. Чунки парламентимиз аъзолари тизимли равишда мазкур парламент ташкилотлари фаолиятида иштирок этиб келаётган бўлса-да, мазкур тузилмаларда турли мамлакатлардан келган юзлаб салоҳиятли парламент аъзолари иштирок этадиган ушбу майдондан самарали фойдаланмаяпмиз. Мазкур парламент ташкилотлари конструктив мулоқот учун ноёб платформа бўлиб, унинг салоҳиятидан аниқ режа асосида тизимли фойдаланишимиз лозим бўлади.

Иккинчидан, парламентлараро ҳамкорлик доирасида парламент аъзолари чет элларга расмий ташрифлари олдидан музокаралар доирасида муҳокамага қўйиладиган масалаларни пишиқ-пухта белгилаб олиши муҳим аҳамиятга эга. Шунингдек, Парламентлараро ҳамкорликка оид ташрифларга юқори даражада самарали бўлиши нуқтаи назаридан ёндашиш масаласига эътибор зарур. Ҳозирги кунда аксарият амалга оширилаётган хорижий сафарлар якуни бўйича шунчаки маълумотнома тақдим қилиш билан чегараланиб қоляпмиз. Ваҳоланки, ҳар бир халқаро анжуман ёки семинардан маълум мақсадни кўзлашимиз ва бирон-бир янгиликни амалиётга татбиқ этмоғимиз зарур.

Ўзбекистон Республикаси номидан имзоланган халқаро шартномаларнинг ижросини парламент назорати тартибида мунтазам ўрганишни йўлга қўйиш талаб этилади. Шу вақтгача халқаро шартномаларнинг бажарилиши бўйича парламент назорати тартибида ўрганиш йўлга қўйилмаган эди. Биз фақат юқори даражадаги ташрифлар чоғида имзоланган халқаро шартномаларнинг бажарилиши бўйича тузилган «Йўл хариталари»даги парламентга тегишли бўлган бандларнинг ўз вақтида ва самарали бажарилишини назорат қилганмиз. Энди эса барча халқаро шартномалар ижросини ўрганиш вазифалари қўйилмоқда. Уларнинг хусусияти ва йўналишини масъул қўмитанинг бевосита вазифасидан келиб чиқиб ўргансак, мақсадга мувофиқ бўлади. Натижада қўмита хабардорлигини оширишга, парламент назоратини йўлга қўйган ҳолда шартномаларнинг аниқ бажарилишига эришган бўламиз. Бунинг учун хатодан чўчимаслик, янгиликка қўл уриш, доимий изланиш талаб этилади.


Фикр ва мулохазалар

Защита от автоматических сообщений

Сўнгги янгиликлар: