Охирги сонда



Кўп ўқилган мақолалар



Долзарб мавзу



Мақолалар архиви

«    Iyun 2019   
Du Se Cho Pa Ju Sha Ya
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
04.06.2019

ЯЛПИ ИЧКИ МАҲСУЛОТНИ ОШИРИШ ДАВЛАТНИНГ ЭНГ УСТУВОР ВАЗИФАСИ БЎЛИШИ ЛОЗИМ

Хайрулла РЎЗМЕТОВ, Ўзбекистон ХДП фракцияси аъзоси:

— Ўзбекистон Республикасининг 2018 йил якунлари бўйича Давлат бюджети ва давлат мақсадли жамғармалари бюджетларининг ижроси тўғрисидаги ҳукумат ҳисоботи Қонунчилик палатасининг йиғилишида кўриб чиқилди.

Ҳисоботда таъкидланганидек, Давлат бюджетининг ижросида ижтимоий соҳани қўллаб-қувватлаш, аҳолининг турмуш даражасини ошириш ва ижтимоий ҳимоясини таъминлаш борасидаги тадбирларни молиялаштиришга алоҳида эътибор қаратилган.

Жумладан, ҳисобот даврида ижтимоий харажатларни молиялаштириш учун Давлат бюджетидан 42 883,3 млрд. сўм ёки умумий харажатларнинг 53,8 фоизи миқдорида маблағ сарфлангани бевосита Ўзбекитон ХДПнинг электорати манфаатларига мос келади.

Шу билан бирга, 2018 йил давлат бюджети ижроси тўғрисидаги ҳисоботнинг таҳлилларига кўра, ҳанузгача давлат бюджети соҳасидаги муносабатларда ҳуқуқбузарликларнинг олдини олиш долзарблигича қолмоқда. Бу орқали бюджет маблағларини мақсадли, самарали ишлатиш билан боғлиқ масалада сезиларли ижобий натижаларга эришилмаган.

Бюджет сиёсатининг йиллик натижаларини баҳолашда ялпи ички маҳсулотнинг қай даражада ошгани асосий омиллардан ҳисобланади. Бунда халқаро валюта фонди ва Жаҳон банкининг Ўзбекистон натижаларига берилган ўрнига қараб хулоса чиқарилади.

ЯИМнинг ўзгариш тенденцияси Ҳукуматнинг йиллик ҳисобот тақдимотида нафақат рақам, балки графика кўринишида депутатларга намойиш қилиб борилиши мақсадга мувофиқдир. 2017 йил бўйича Халқаро валюта фондининг рўйхатига кўра Ўзбекистон ЯИМ (номинал) бўйича 147 ўринда бўлиб, аҳоли жон бошига 1490 долларни ташкил этган.

Таклиф этилаётган график кўринишда аҳоли даромадига кўра уч тоифага, яъни юқори, ўрта ва кам даромад олувчилар қатламига бўлиб кўрсатилиши мақсадга мувофиқ, деб ўйлаймиз. Бунда ҳисобот йили даврида аҳоли даромадларининг ўзгарганлик ҳолати ўз аксини топиши керак. Шунингдек, йил якуни бўйича аҳоли даромадларининг тақсимланиш ҳолатини янада қулайроқ кўриш учун учала қатлам даромадларини алоҳида графикларда тақдим қилиш мақсадга мувофиқ. Бундай ахборот-таҳлил жамиятда кескин табақаланиш юз бермоқдами ёки йўқ, деган саволга ҳам жавоб олиш имконини беради.

Алоҳида қайд этиш керакки, давлат бюджетининг йиллик бажарилиши бўйича Ҳукуматнинг фаолиятига баҳо берилишидаги энг асосий ва энг муҳим кўрсаткич — ЯИМнинг ўсганлик ҳолатидир. Шунга асосан парламент аъзолари мазкур масала атрофида жипслашиши лозим, деб ҳисоблаймиз.

Савол беришимиз керакки, нима учун Ўзбекистон бошқа бир қатор давлатлар каби ЯИМни изчил оширолмаяпти? Бунга тўсқинлик қилаётган омиллар қаерда? Уларни аниқлаб бартараф этишга қаратилган зарур чоралар кўрилиши керак. Ўзбекистоннинг билимли, меҳнаткаш халқи, ер ости бойликлари бор. Шунга кўра, аслида Ўзбекистон ЯИМ бўйича дунёнинг 192 та давлатлари орасида юқори ўринларни эгаллаши керак. Бу йўлдаги тўсқинликни аниқлаш ва бартараф этиш бўйича чоралар кўриш — Парламент ва Ҳукуматни энг марказий масаласи бўлиши лозимдир.


Фикр ва мулохазалар

Защита от автоматических сообщений

Сўнгги янгиликлар: