Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
04.01.2018

БУ ЙИЛ ДЕПУТАТЛАР УЧУН ЭНГ МАСЪУЛИЯТЛИ ЙИЛ БЎЛАДИ

Шуҳрат МАМАЖОНОВ, Олий Мажлис Қонунчилик палатаси депутати, Ўзбекистон ХДП фракцияси аъзоси:

— Ўтган йил миллий парламентимиз фаолиятида туб бурилиш ясагани, фаолиятимизни янги босқичга кўтаргани, айниқса, ўзимизга тан­қидий нуқтаи назардан баҳо беришга ундагани билан тарихимизда чуқур из қолдирди, деб ўйлайман.

Халқ вакили — депутат кечаги фикр, кечаги дунёқараш, кечаги ҳаракат билан бугун жамиятга, одамларга наф келтира олмайди. Биз аввало, шуни чуқур англаб олишимиз керак.

2017 йилда Президентимиз икки маротаба Олий Мажлис Сенати аъзолари ва Қонунчилик палатаси вакиллари билан учрашди, уларнинг олдига катта вазифалар қўйди. Очиғи, ҳозирча бу ишларни тўлақонли, халқимиз кутган даражада амалга оширишга эришаётганимиз йўқ.

Ўтган йил ҳар ойда 10-12 кун сайловчилар ҳузурида бўлиб, уларни қийнаётган масалаларни ўргандик ва шунинг натижасида қонунчиликдаги камчиликлар, жамиятдаги муаммолар янада яққол намоён бўлди. Кўриб, билиб турибмиз: бугун одамлар биздан кўп нарса кутаяпти. Шу маънода, Янги йил депутатлар учун синовли йил бўлади.

Давлатимиз раҳбарининг Олий Мажлисга йўллаган Мурожаатномасида биз, депутатлар олдига қўйилган кўп саволларга жавоб беролмадик. Парламентда деярли ҳар куни бир нечта тадбир, ҳар хил йиғилишлар ўтказилади. Лекин, тан олишимиз керак, уларнинг аксарияти самарасиз бўлиб чиқяпти. Қонун лойиҳалари, турли вазирлик ва идораларнинг ахборотлари билан боғлиқ йиғилишлардаги муҳокамаларда мамлакат миқёсида ечимини кутаётган масалалар бўйича таклифлар берилаётгани йўқ.

Президентимиз Қонунчилик палатасидаги муҳокамалардан ҳам бир «чанг чиқсин», деганлари бежиз эмас. Бу гапда парламент аъзолари тушунадиган чуқур маъно бор. Хулоса шуки, қилган ишларимиздан кўра, бажаришимиз лозим бўлган вазифаларимиз кўпроқ.

Катта орзулар, улкан марраларни кўзлаб, Янги йилга қадам қўйдик. Биз ҳам зиммамиздаги юкни ҳис қилиб турибмиз. 2018 йил мамлакатимиз тарихида, хал­қимиз ҳаётида катта ўзгаришлар олиб келишига ишонаман. Биз, депутатлар ана шу ислоҳотларнинг олдинги қаторларида боришга, халқни ўз ортимиздан эргаштира олишга, машаққатларни ўз бўйнимизга олишга тайёрмиз.



DB query error.
Please try later.