30.04.2019

КИТОБХОНЛИК ТАДБИРЛАРИ

Алишер Навоий номидаги Ўзбекистон Миллий кутубхонаси катта залида партия Марказий Кенгаши томонидан маданий-маърифий тадбир ўтказилди.

Давра суҳбатида сўз олганлар китобхонликни тарғиб этувчи тадбирлар қанча кўпайса, шунча яхши бўлишини таъкидлашди. Иштирокчилар ўртасида интерфаол услубда савол-жавоб ўтказилди. Унда тарихий, бадиий, илмий ва мантиқий йўналишдаги саволлар ўртага ташланди. Фаол иштирокчи ёшларга Ўзбекистон ХДП томонидан ўзбек ва жаҳон адабиёти намуналари ҳамда партиянинг эсдалик совғалари топширилди.

Шундан сўнг кутубхона бўйлаб саёҳат уюштирилди. Йигит-қизлар Алишер Навоий номидаги Ўзбекистон Миллий кутубхонасининг фаолияти ҳамда унинг ноёб китоблар фонди билан яқиндан танишди.

Сурхондарё вилояти, Сариосиё туманидаги 1-умумтаълим мактабида китобхонликка бағишланган тадбир ҳам қизиқарли ўтди.

Мактабимизда 860 нафарга яқин ўғил-қиз таълим-тарбия олади, — дейди мактаб директори, ЎзХДП аъзоси Эркиной Мухторова.Уларга 62 нафар устоз ва мураббий таҳсил бермоқда. Қисқа даврда ўқув биноси реконструкция қилиниб, замонавий жиҳозлар келтирилди. Спорт зали ва иккита машғулотлар майдончаси ёшлар ихтиёрида. Йигирмадан ортиқ фан тўгараги ишлаб турибди.

 Китоб мутолааси ва китобхонлик маданиятини оширишда шу каби тадбирларнинг ўрни беқиёс, — давом этади Сариосиё туман Кенгашидаги Ўзбекистон ХДП гуруҳи аъзоси Шокиржон Мирзаев.Кимдир уч-тўртта китоб совға қилган бўлса, бошқалари саксон-юзтагача туҳфа ҳозирлашгани кўпчиликни хурсанд қилди. Байрам давомида мактаб кутубхонасига 1 минг 800 тага яқин китоб топширилди ва уларнинг сони қарийб тўрт мингга етди.



DB query error.
Please try later.