18.03.2018

АҲОЛИ МУАММОЛАРИГА ПАРТИЯНИНГ МУНОСАБАТИ ҚАНДАЙ?

Пойтахтимизда бўлиб ўтган Ўзбекистон Халқ демократик партияси Тошкент шаҳар кенгашининг пленумида асосий эътибор Президентимиз Шавкат Мирзиёевнинг Олий Мажлисга Мурожаатномасида илгари сурилган йўналишлар, белгиланган вазифалар ижросини таъминлашда партия тизимида олиб борилган амалий ишларни таҳлил қилишга қаратилди.

Партия кенгашлари ва депутатлик бирлашмалари фаолияти таҳлил қилиниб, Ўзбекистон Халқ демократик партияси Тошкент шаҳар кенгаши ва барча даражадаги депутатлик бирлашмалари иштирокини холис муҳокама қилиш ва келгусидаги вазифаларни белгилаб олиш хусусида сўз юритилди.

– Ўтган вақт мобайнида партиянинг туман кенгашлари ва депутатлари томонидан сайёр қабуллар ташкил этилди, –деди партиянинг Тошкент шаҳар кенгаши раиси Ҳайдар Бобохонов. – Сайёр қабуллар давомида аҳолини қийнаётган бир қатор масалалар чуқур ўрганилиб, аксарияти ечимини топди. Шунингдек, мутасадди ташкилотларга депутатлик сўровлари юборилди. Аҳолига тиббий хизмат кўрсатиш, кам таъминланган фуқароларни ижтимоий ҳимоя қилиш, кексалар, ногиронлиги бўлган шахсларни ҳар томонлама қўллаб-қувватлаш, аҳолининг муаммоларини аниқлаш ва уларга кўмак бериш ишлари амалга оширилмоқда. «Фаол тадбиркорлик, инновацион ғоялар ва технологияларни қўллаб-қувватлаш йили» Давлат дастури асосида партия кенгашлари томонидан 2018 йилга мўлжалланган алоҳида чора-тадбирлар дастури ҳамда фаолиятни янада такомиллаштириш борасида кўплаб вазифалар белгиланиб, ижроси изчилик билан таъминланмоқда.

 

Г.БОБОЕВА,

ЎзА мухбири.



DB query error.
Please try later.