Охирги сонда



Кўп ўқилган мақолалар



Долзарб мавзу



Мақолалар архиви

«    Fevral 2018   
Du Se Cho Pa Ju Sha Ya
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 1 2 3 4
13.02.2018

САФАРБАРЛИК ЧАҚИРУВИ

учун тўланадиган пул бадаллари камайтирилди

Президентимиз Шавкат Мирзиёевнинг фармонига асосан сафарбарлик чақируви резервидаги ҳарбий хизматга олинадиган фуқаролар томонидан тўланадиган пул бадаллари миқдори камайтирилди ва улар учун енгиллик ва қулайликлар яратилди.

Фармонга мувофиқ, сафарбарлик чақируви резерви хизматига қабул қилинган фуқаролар томонидан махсус ҳисоб рақамига тўланадиган пул бадали жорий йилнинг 5 февралидан бошлаб энг кам ойлик иш ҳақининг 20 баробари, яъни 3 444 800 сўм этиб белгиланди. Унга қадар сафарбарлик чақируви резерви хизматига олинган фуқаролар томонидан тўланадиган пул бадали энг кам ойлик иш ҳақининг 27,5 баробари, яъни 4 736 600 сўмни ташкил этган.

Маълумот учун шуни айтиш лозимки, сафарбарлик чақируви резерви хизматига олинган фуқаролар томонидан 2018 йилнинг 5 февралига қадар тўланган пул бадалларининг янгидан белгиланган миқдордан ортиқча қисми қайтариб берилмайди.

Жорий йилнинг февраль-март ойларида туман (шаҳар) чақирув комиссиялари томонидан сафарбарлик чақируви резерви хизматига ўтказиладиган чақирув ёшидаги фуқаролар яратиб берилган ушбу имкониятдан кенг фойдаланган ҳолда янгидан белгиланган тартиб бўйича шартномалар имзолаб, пул бадалларини тўлашлари мумкин.

«Умумий ҳарбий мажбурият ва ҳарбий хизмат тўғрисида»ги Ўзбекистон Республикаси Қонунига асосан 2003 йилдан бошлаб чақирув ёшидаги фуқаролар учун ҳарбий хизмат тури сифатида сафарбарлик чақируви резервидаги хизмат жорий этилган.

Унга мувофиқ, муддатли ҳарбий хизматни ўташга яроқли, чақирилиш муддатини кечиктириш ва чақирилишдан озод этилиш ҳуқуқига эга бўлмаган, бироқ Қуролли Кучлар сафига навбатдаги муддатга чақирилмаган шахслар сафарбарлик чақируви резерви сафига олинадилар.

Сафарбарлик чақируви резервидаги хизмат ҳудудий принцип асосида ойлик йиғинлар тарзида ташкил этилган бўлиб, чақирилувчилар томонидан махсус ҳисоб рақамга пул бадали киритилишини назарда тутади.

Сафарбарлик чақируви резервидаги хизмат сафига ўн саккиз ёшдан йигирма етти ёшгача бўлган чақирилувчилар олинади ва улар ҳар йилги ҳарбий йиғинларга жалб этилади.

Вазирлар Маҳкамасининг «Ўзбекистон Республикаси фуқароларининг сафарбарлик чақируви резервидаги хизматини ташкил этиш чора-тадбирлари тўғрисида»ги қарорига асосан, сафарбарлик чақируви резерви хизматига олинадиган фуқаролар томонидан махсус ҳисоб рақамига тўланадиган пул бадалларининг тўланиш тартиби ва шартлари Қуролли Кучларда ҳарбий хизматга навбатдаги чақирув даврида чақирилувчи ва Мудофаа вазирлиги номидан ҳудудий мудофаа ишлари бўлими бошлиғи ўртасида тузиладиган шартномада белгиланади.

Сафарбарлик чақируви резерви хизматига олинган чақирилувчилар томонидан пул бадаллари, уларни сафарбарлик чақируви резерви хизматига олинганидан кейин бир йил мобайнида Халқ банки муассасалари орқали тўланади. Томонларнинг келишувига кўра, тўлов тўлиқ, бир йўла ёхуд бос­қичма-босқич амалга оширилиши мумкин.

Пул бадалларини тўловнинг барча усулларидан фойдаланган ҳолда, яъни нақд пул кўринишида, пластик карточкалар орқали ёки пул ўтказиш йўли билан тўлаш имконияти мавжуд.

Ўтган давр мобайнида ёшлар онгида армия ҳақида, Ватан ҳимояси ҳақида ижобий фикрлар шаклланишида ҳарбий хизматнинг мазкур тури ҳам муҳим аҳамият касб этмоқда. Сафарбарлик чақируви резервидаги ҳарбий хизматнинг ойлик йиғинида ёшларимиз Ватан олдидаги муқаддас бурчини ўтаб, бошланғич ҳарбий тайёргарликни эгаллаб, ҳаёт мактабида тобланяпти. Шу боисдан ҳам давлатимиз раҳбари томонидан сафарбарлик чақируви резерви хизматини такомиллаштириш, ўтказилаётган жанговар, маънавий-маърифий тайёргарликлар тизимини янада яхшилашга катта эътибор қаратилмоқда.

 

Эркин РАҲМАТОВ,

Мудофаа вазирлиги Бош бошқармаси бошлиғи, полковник.


Фикр ва мулохазалар

Защита от автоматических сообщений

Сўнгги янгиликлар: