Охирги сонда



Кўп ўқилган мақолалар



Долзарб мавзу



Мақолалар архиви

«    Yanvar 2019   
Du Se Cho Pa Ju Sha Ya
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
06.02.2018

ЯКУНИЙ БОСҚИЧГА ҚОРАҚАЛПОҒИСТОНДАН КИМ КЕЛАДИ?

Нукус шаҳрида «Ўзбекистон Халқ демократик партиясининг энг фаол аёли — 2018» кўрик-танлови Қорақалпоғистон Республика босқичи ўтказилди.

— Депутатларимиз орасида хотин-қизлар сафи кенгайиб бораётганидан жуда хурсандмиз, — дейди Ўзбек­истон ХДП Қорақалпоғистон Республика кенгаши раиси Халилла Ешимбетов. — Бугунги кунда Қорақал­поғис­тон Республикаси бўйича партия аъзоларининг 40 фоизидан ортиғини хотин-қизлар ташкил этади. Шунингдек, ЎзХДПдан сайланган 30 га яқин депутат аёл маҳаллий ташкилотларимизда турли вазифаларда фаолият олиб бормоқда.

— Танловда қатнашиб сиё­сий билимларимни, ҳуқуқий саводхонлигимни яна бир бор синовдан ўтказдим, — дейди танлов иштирокчиси нукуслик Чинор ­Матчанова. — Шартларни бажариш мобайнида камчиликларимни англадим. Келажакда билим даражамни янада юксалтиришга ҳаракат қиламан.

Бир неча соат давом этган танловда опа-сингилларимиз иқтидор ва истеъдодларини, ақл-заковати ва интеллектуал қобилиятини намоён қилишди. Танлов ғолибаларини аниқлаш осон кечмади.

— Иштирокчиларнинг ўзига бўлган ишончи юқори даражадалигини кўриб хурсанд бўлдим, — дейди ҳакамлар ҳайъати раиси, Ўзбекистон ХДП Марказий Кенгаши бўлим мудири Нилуфар Юлдашева. — Айтиш керакки, камчиликлар ҳам йуқ эмас. Шартлар давомида баъзи иштирокчиларимиз ёрдамга муҳтож инсонларни қўллаб-қувватлаш, уларнинг бандлигини таъминлаш каби масалалар бўйича эмас, тадбиркорликка хос бизнес режа асосида тайёрлаган лойиҳалари билан иштирок этди. Иштирокчиларимиз ҳакамлар томонидан билдирилган фикр-мулоҳазаларни тўғри қабул қилади, деб ўйлайман.

Якуний натижаларга кўра, танловда Беруний туманидан Айнура Ўразова ғолибликни қўлга киритиб, республика босқичида иштирок этиш учун йўлланмага эга бўлди.

— Жуда ҳам ҳаяжондаман, — дейди у. — Ниятим ногиронлиги бўлган болаларга мактабгача таълим муассасалари очиб, уларнинг билим эгаллашини таъминлашдир. Чунки кўнгли ярим болалар атрофдагиларнинг меҳрига, эътиборига, ёрдамига кўпроқ муҳтож бўлади.

Кўрик-танлов якунида ғолиблар ва бошқа иштирокчилар Қорақалпоғистон Республика партия кенгашининг махсус диплом ва эсдалик сов­ғалари билан тақдирланди.

 

Минажатдин ҚУТЛИМУРАТОВ,

«Ўзбекистон овози» мухбири.



DB query error.
Please try later.