Охирги сонда



Кўп ўқилган мақолалар



Долзарб мавзу



Мақолалар архиви

«    Yanvar 2019   
Du Se Cho Pa Ju Sha Ya
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
06.02.2018

ТАШАББУСКОР ХОДИМЛАРСИЗ УЗОҚҚА БОРИШ ҚИЙИН

Ўзбекистон Халқ демократик партияси Тошкент шаҳар кенгашининг кенгайтирилган йиғилишида Президентимизнинг Олий Мажлисга йўллаган Мурожаатномасида белгиланган устувор вазифалар ижросини таъминлаш масаласи муҳокама этилди. Унда Ўзбекистон ХДП Тошкент шаҳар кенгаши Ижроия қўмитаси аъзолари, партиянинг масъул ходимлари, депутатлар иштирок этди.

Ўзбекистон ХДП Тошкент шаҳар кенгаши раиси Ҳайдар Бобохонов маъруза қилиб, Мурожаатнома ҳар биримиз учун мамлакат равнақи йўлида самарали меҳнат қилишга ундовчи дас­туруламал бўлишини таъкидлади. Тошкент шаҳар партия кенгашининг фаолияти тан­қидий таҳлил қилинди.

Олдимизда бир қатор вазифалар турибди, — деди у. — Электорат манфаати йўлида ҳаракатни сусайтирмаслик асосий мақсадимиз бўлиб қолади. Ўтган йил давомида айрим туман кенгаши раислари ишни тўғри йўлга қўя олмаганига гувоҳ бўлдик. Улар ўз фаолияти давомида кадрлар билан ишлаш малакаси сустлигини кўрсатиб қўйди. Қайси соҳада бўлмасин тажрибали, ­ташаббускор ходимларсиз узоққа бориш қийин. Биз шу вақтгача уларга имконият бериб келдик. Кўз-кўзга тушади, дея сабр, тўғриси, истиҳола қилдик. Энди бу хатоларни қайтармаймиз.

— 2017 йил 24 декабрда ўтган сайлов фаолиятимизга тутилган кўзгу бўлди, — деди Тошкент шаҳар партия ­кенгаши бўлим мудири ­Сирожиддин Шоназаров. — Сайлов натижаси кутганимиздек бўлмади. Бугунги сайловчини қуруқ ваъдалар билан алдаб бўлмаслигига яна бир бор амин бўлдик. Қайси ҳудудда амалий иш бор бўлса, ўша ердаги партия ташкилотининг обрўси баланд бўлади.

Хато қилганимизни, камчиликларга йўл қўйганимизни кеч англадик. Кўнгилли вакил бўлса, бас, партия сафига, тар­ғибот­чилар гуруҳи таркибига қўшавердик. Мана, энди қаттиқ тартиб асосида тарғиботчилар гуруҳи аъзолари рўйхатини қайта туздик. Улар партия­миз дастур ва мақсадларини кенг жамоатчиликка етказишда асосий кўмакчи бўлади.

— Ўзбекистон ХДП Тошкент шаҳар, туманлар ва «Ёшлик» талабалар шаҳарчаси кенгашлари қошидаги ­Жамоатчилик қабулхоналарига ўтган йил давомида 518 мурожаат тушган,— дейди ЎзХДП Тошкент шаҳар кенгаши бўлим мудири ­Гулчеҳра ­Холматова. Уларнинг 419 таси ижобий ечимини топди. Қолганлари назоратда турибди. Мурожаатларнинг асосий қисми коммунал, иш билан таъминлаш, ижтимоий ва соғлиқни сақлаш, халқ таълими соҳалари ҳамда банк­дан кредит олиш масалалари билан боғлиқ. Ушбу муаммоларни ҳал этиш бўйича соҳа мутасаддилари билан ҳамкорлик ўрнатдик. Депутатлар ҳамда экспертларнинг имкониятларидан унумли фойдаланишимиз керак.

Ўтган йил давомида депутатларимиз томонидан партия электоратини ўйлантираётган масалалар юзасидан 120 марта депутатлик сўрови юборилган, шундан 116 тасига ижобий жавоб олинган.

Йиғилишда халқ депутатлари туман Кенгашларидаги партия гуруҳлари фаолиятини самарали ташкил этиш масаласи ҳам атрофлича муҳокама қилинди.

 

Маҳлиё АЛИҚУЛОВА,

«Ўзбекистон овози» мухбири.



DB query error.
Please try later.