Охирги сонда



Кўп ўқилган мақолалар



Долзарб мавзу



Мақолалар архиви

«    Yanvar 2019   
Du Se Cho Pa Ju Sha Ya
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
01.01.2018

ЯНГИ ЙИЛГА ЯНГИ РЕЖАЛАР, ЁРУҒ МАҚСАДЛАР БИЛАН...

Гулшан АСАТОВА, Ўзбекистон ХДП Марказий Кенгаши Хотин-қизларнинг ижтимоий-сиёсий фаоллигини ошириш сектори мудири:

— Барчамиз орзиқиб кутган Янги йил кириб келди. Ортга назар ташлар эканмиз, юртимиздаги улкан бунёдкорлик ишлари, қишлоқ ва шаҳарларнинг янгича қиёфа касб этаётгани ҳар биримизда ифтихор ҳиссини кучайтиради. Тинчлик, осойишталикка шукрона қилишга ундайди. Одамлар 2018 йилга кечаги кунидан кўнгли тўқ бўлиб, эртасига, келажагига катта умид боғлаб қадам қўймоқда.

Ўзбекистон ХДП Марказий Кенгаши Хотин-қизларнинг ижтимоий-сиёсий фаоллигини ошириш секторининг ҳам Янги йилдаги режалари улкан. Президентимиз томонидан қўйилаётган, партиямиз дастурида кўзда тутилган вазифалардан келиб чиқиб, бир қатор лойиҳаларни амалга оширишни ният қилганмиз.

Хусусан, ногирон аёллар ҳолидан хабар олиб, муаммоларини ҳал этишга, қўлида ҳунари борларини қўллаб-қувватлаб, уларга кўмаклашиш мақсадида «Ҳар бир инсонга меҳр-мурувват кўрсатиш — бурчимиз!» лойиҳаси ­доирасидаги тадбирларни давом эттирамиз.

Кичик бизнес, оилавий тадбиркорлик ҳамда касаначиликни ривожлантириш, хотин-қизларни иш билан таъминлаш мақсадида «Аёллар бандлиги – оила фаровонлиги гарови» лойиҳасини ишлаб чиқишни режалаштирдик. Ўйлаймизки, Фаол тадбиркорлик, инновацион ғоялар ва технологияларни қўллаб-қувватлаш йилида бу ташаббусимиз самарали бўлади.

Оилавий ажримлар, эрта ва қариндош-уруғлар ўртасидаги никоҳнинг олдини олиш мақсадида Маҳалла жам­ғармаси, Хотин-қизлар қўмитаси, «Оила» илмий-амалий маркази, Болалар ва оилаларни қўллаб-қувватлаш ассоциацияси билан ҳаморликда «Намунали оила» акциясини ўтказмоқчимиз. Оилалар тинч бўлса, жамиятимиз ҳам мустаҳкам бўлади.

Орамизда алоҳида эътиборга муҳтож кишилар бор. Айниқса, ногиронлиги бўлган инсонлар доимий муҳофаза қилиниши керак. Шу боис республикамиздаги мавжуд 10 та Мурувват ногирон аёллар интернат уйларидаги шарт-шароит, муаммоларни ўрганиш ҳамда уларни бартараф этишга кўмаклашиш масалалари эътиборимизда бўлади.

Президентимизнинг Олий Мажлисга Мурожаатномасида хотин-қизлар билан олиб борилаётган ишлар юзасидан билдирилган танқидий фикрлардан келиб чиқиб, жорий йилдан Ўзбекистон ХДП минтақавий кенгашларида Хотин-қизлар масалалари бўйича жамоатчилик асосидаги раис ўринбосарлари лавозимини жорий этиш кўзда тутилмоқда.

Янги йилда зиммамизда улкан вазифалар турибди. Янги лойиҳалар устида ишлаяпмиз. Фурсатдан фойдаланиб, барча аёлларни, партиямиз ­фаоллари ва депутатларни байрам билан табриклайман. 



DB query error.
Please try later.