Охирги сонда



Кўп ўқилган мақолалар



Долзарб мавзу



Мақолалар архиви

«    Avgust 2018   
Du Se Cho Pa Ju Sha Ya
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2
28.11.2017

ЗУККО ВА ТАШАББУСКОР ХОТИН-ҚИЗЛАР САРАЛАНМОҚДА

Шу кунларда «Ўзбекистон ХДПнинг энг фаол аёли» кўрик-танловининг туман, шаҳар босқичлари «Ташаббус ва ғояларимиз мустақил Ўзбекистон тараққиёти учун!» шиори остида ўтказиляпти.

Кармана туманида иштирокчилар янги иш ўринлари яратиш, хизмат кўрсатиш сифатини ошириш, ишлаб чиқаришни ривожлантиришга йўналтирилган турли лойиҳалар тақдим этишди. Улар хотин-қизлар бандлигини таъминлашга йўналтирилган янги ғояларни ўзида мужассам этгани билан аҳамиятлидир.

— Опа-сингилларимизнинг фаоллиги ва ташаббусларини қўллаб-қувватлашга қаратилган мазкур танлов йил сайин оммалашиб бормоқда, — деди Навоий вилоят партия кенгаши сектор мудири Муборак Маҳмудова. — Иштирокчилар истиқболли лойиҳаларни амалга ошириб, аёллар бандлигини таъминлашга муносиб ҳисса қўшмоқда.

Кармана туман босқичида халқ таълими муассасалари фаолиятини методик таъминлаш ва ташкил этиш бўлими котибаси Шоҳсанам Раҳматова вилоят босқичида иштирок этиш ҳуқуқини қўлга киритди.

Оқолтин туманида ҳам бир-биридан қизиқарли лойиҳалар тақдим этилди. Сирдарё вилоят партия кенгаши бўлим мудири Муроджон Мирзакаримовнинг айтишича, Хайрихон Шарофиддинова, ­Орзигул Маматова, Гулнора Саидова томонидан тақдим этилган ло­йиҳалар ҳаётийлиги билан ажралиб туради. Уларда мамлакатимизда хотин-қизларни ўйлантираётган муаммоларга ечим топиш масалаларига алоҳида урғу берилган. Барқарор иш ўринлари яратиш, оилавий ажримлар, аёллар ўртасида жиноятчиликнинг олдини олишга доир таклифлар ҳакамлар ҳайъати томонидан алоҳида эътироф этилди.

Иштирокчиларнинг сиёсий-ҳуқуқий йўналишдаги саволларга жавоблари, саҳна маданияти, ­нотиқлиги ҳам белгиланган мезонлар асосида баҳолаб борилди. ­Гулнора ­Саидова биринчи ўринга лойиқ топилди.

Оқдарё туманида эса хусусий тадбиркор Гулжаҳон Холиқулова танловнинг барча шартларидан муваффақиятли ўтиб, ғолибликни қўлга киритди.

Сурхондарё вилоят партия кенгаши бўлим мудири Феруза Болтабоева бу йилги танлов ҳар йилгидан жонли ҳамда қизғин ўтаётганини таъкидлади. Жумладан, Термиз шаҳар босқичида тақдим этилган лойиҳалар ранг-баранг йўналишларда бўлган. Хотин-қизларнинг сиёсий ҳозиржавоблиги, мавзуларни яхши тушунган ҳолда шарҳлаши ҳакамлар ҳайъати томонидан муносиб баҳоланди.

Ҳар бир иштирокчи шартларга пухта тайёргарлик кўргани боис ғолибни аниқлаш осон кечмади. Танлов низомида белгиланган меъёрларга кўп жиҳатдан мос жавоб берган вилоят юқумли касалликлар шифохонаси ҳамшираси ­Латофат Шамуратова биринчи ўринга лойиқ топилди.

Сариосиё туманидан эса 62-умумтаълим мактаб бош етакчиси Садбарг Турсунова танловнинг вилоят босқичига йўлланма олди.

Эслатиб ўтамиз, танловнинг Қорақалпоғистон Республикаси, Тошкент шаҳри ва вилоят босқичлари 2018 йилнинг январь ойидан бошланади.

 

Зилола АНВАРОВА



DB query error.
Please try later.