Охирги сонда



Кўп ўқилган мақолалар



Долзарб мавзу



Мақолалар архиви

«    Noyabr 2018   
Du Se Cho Pa Ju Sha Ya
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2
14.05.2013

МОЛИЯВИЙ ҚЎЛЛАБ-ҚУВВАТЛАШ ВА ЯНГИ ИШ ЎРИНЛАРИ

Мамлакатимизда кичик бизнес ва хусусий тадбиркорликни ривожлантириш борасида изчил ислоҳотлар олиб борилмоқда. Бундан кўз­ланган асосий мақсад аҳоли турмуш фаровонлигини ошириш, мамлакатимиз иқтисодиётининг барқарор тараққиётини таъминлашдир. Кичик бизнес ва хусусий тадбиркорликни ривожлантириш, тадбир­корлик субъектларини молиявий қўллаб-қувват­лашда банклар муҳим ўрин тутади.

Жорий йилнинг 10-11 апрель кунлари Тошкент шаҳридаги «Ўз­кўргазмасавдомаркази»да бў­либ ўтган «BANKEXPO — 2013» миллий кўргазмаси ҳам айнан мана шу мақсадда ташкил этил­ган бўлиб, унда «Агробанк» ОАТБ ҳам фаол иштирок этди. Кўргаз­ма жараёнида банк томонидан яратилаётган кўплаб янги замо­навий хизматлар, қулай ва даромадли омонатлар, манфаатли кредит линиялари намойиш этилди. Кўргазма доирасида банк томонидан кичик бизнес ва хусусий тадбиркорлик субъектлари орасида 8 та номинация бўйича танлов эълон қилинди.

Кўргазманинг биринчи кунида Агробанк мижозлари ора­сида турли номинацияларда ғолиб деб топилган тадбиркорларга имтиёзли микрокредит олиш ҳуқуқини берувчи сертификат ва эсдалик совғалари топширилди. Бу банк ва мижоз ўртасидаги ишончнинг ортаётганидан далолатдир.

Айтиб ўтиш жоизки, тижорат банклари томонидан кўплаб истиқболли тармоқлар, жумладан, кичик бизнес, оилавий тадбиркорлик, коллеж битирув­чилари ва аёллар тадбиркорлиги, деҳқон ва фермер хўжаликлари доимий молиявий қўл­лаб-қувватлаб келинаётгани бугун ўз натижасини бериб, ҳу­дудларда ишлаб чиқариш, сервис соҳалари жадал ривожланмоқда, маҳсулот ишлаб чиқариш ҳажми кенгайиб, аҳолининг иш билан бандлиги таъминланмоқда.

Шубҳасиз, бу жараёнда республикамизнинг энг йирик банк­ларидан бири саналмиш «Агро­банк» очиқ акциядорлик тижорат банкининг ҳам ўз ўрни бор. Банкнинг Наманган вилоят бош­қармаси томонидан амалга оши­рилаётган ишлар, аҳолига кўр­сатилаётган хизматлар, ажратилаётган кредитлар ҳам бу­ни тасдиқлаб турибди.

Бугунги кунда «Агробанк» ОАТБ Наманган вилоят бошқармасининг 13 та филиали ва 32 та минибанки ҳамда 27 та махсус кассалари 9 мингдан зиёд юридик, 250 мингга яқин жисмоний шахсларга тезкор ва сифатли хизмат кўрсатиб келмоқда. Банк 2013 йил 1 апрель ҳо­латига кўра кичик бизнес ва хусусий тадбиркорлик субъектларини қўллаб-қувватлаш мақсадида барча молиялаш манбалари ҳисобидан жами 9,2 млрд. сўм кредит маблағлари ажратди. Бунинг эвазига вилоятда қўшимча 400 дан ортиқ янги иш ўринлари барпо этилди.

Таъкидлаш жоизки, ҳозирги пайтда вилоят бошқармаси мижозлари орасида иқтисодиё­тимизнинг турли соҳаларида фаолият кўрсатаётган корхона ва ташкилотлар ҳамда тадбиркорлик субъектларини учратиш мумкин. Бошқарма ва унинг филиаллари ходимлари томонидан мижозларга тезкор молия-банк хизматлари кўрсатилмоқда.

«Агробанк» ОАТБ Наманган вилоят бошқармаси ва унинг филиаллари томонидан вилоят аҳолисининг озиқ-овқат ва ноозиқ-овқат маҳсулотларига бўл­ган эҳтиёжини таъминлаш мақсадида кичик бизнес ва хусусий тадбиркорлик субъектларига озиқ-овқат товарлари ишлаб чиқариш учун жорий йилда 2,3 млрд. сўм ҳамда ноозиқ-овқат истеъмол товарлари ишлаб чиқаришга эса 1,6 млрд. сўм миқдорида қисқа ва узоқ муддатли кредитлар ажратилди.

Вилоятда тадбиркорлик фао­лияти билан шуғулланаётган хотин-қизларни молиявий қўл­лаб-қувватлаш борасида ҳам муайян ишлар амалга ошириб келинмоқда. Жумладан, 2013 йил I-чораги якунига кўра, 114 нафар тадбиркор аёлга 1 млрд. сўмдан зиёд кредит маблағлари ажратилган бўлиб, бунинг натижасида 123 та янги иш ўринлари яратилди. Шу ўринда айрим мисолларга муро­жаат этсак.

— Тиббиёт ускуналарини сотиб олиш ва қўшимча бино қу­риш учун кредит сўраб Агробанкнинг Чуст филиалига муро­жаат қилгандик, — дейди «Шаҳризода шифо сервис» хусусий корхонаси раҳбари Малоҳат Мо­мохонова. — Банк томонидан лойиҳамиз маъқулланиб, бизга 57 млн. сўм миқдорида узоқ муддатли, имтиёзли кредит ажратилди. Олинган кредит эвазига фаолиятимизни кенгайтиришга эришдик. Қўшимча янги иш ўринлари очилди.

Банкнинг Уйчи филиали мижози бўлган Наимахон Абдураҳмоновага элита пардалар тикиши ҳамда дастгоҳ ва хомашё сотиб олиши учун узоқ муддатли кредит берилди. Тадбиркорга ажратилган кредит ҳисобига яна 9 нафар хотин-қиз иш билан таъминланди.

Банк жамоаси доимо мижозлар манфаатига мос ва ишонч­ли хизмат турларини кўпайтириб, юрт ободлиги ва турмушимиз фаровонлигига ўзларининг муносиб ҳиссаларини қў­шишга тайёр.

Мирбахтиёр МИРФАЙЗИЕВ,

«Ўзбекистон овози» мухбири.



DB query error.
Please try later.