Охирги сонда



Кўп ўқилган мақолалар



Долзарб мавзу



Мақолалар архиви

«    Yanvar 2019   
Du Se Cho Pa Ju Sha Ya
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
14.05.2013

ХОТИРАСИ ДИЛЛАРДА МАНГУ

Ҳар сафар «Мотамсаро она» ҳайкалига нигоҳимиз тушганда, юрагимиз бир ҳапқириб кетади. Ўз жигаргўшасидан айрилиб, чуқур қайғуга ботган она сиймосидаги ғам-ғусса беихтиёр руҳиятимизни қамраб олади. Бу ҳай­кал Иккинчи жаҳон урушида ўз фарзандлари­дан ажралган бағриқон оналарга қўйилган ёдгорлик.

Уруш — бу уруш. Ҳеч кимга шафқат қилмайди. Аммо бугунги тинчлик даврида ҳам юртимизда осойишталик ва барқарорликни таъминлаш, мустақиллигимизни ҳимоя қилишга бел боғлаган террорчи унсурлар, хавфли жиноятчиларни қу­ролсизлантириб, қўл­га олиш­да ҳалок бўлганлар бор.

Ўзбекистон Республикаси ИИВ Патрул-пост хизмати ва жамоат тартибини сақлаш бош бошқармаси Хорижий давлатлар дипломатик ваколатхоналарини қўриқлашни таъминлаш бўйича алоҳида милиция батальони милиционери, катта сержант Иброҳим Норметов Тошкент вилояти Қибрай туманида туғилиб, ўсган, жасур ва мард йигит эди.

Ўша тонгда содир бўлган воқеани хизматдошлари яхши эслашади. У хизмат постига тайинланиб, хавфсизликни таъминлаш ва жамоат тартибини сақлаш ҳам­да жиноятчиликни олдини олишдек юксак масъулиятли вазифага киришади. Тахминан соат 10:15 ларда ун­га рация орқали Тошкент шаҳрида жойлашган элчихоналардан бири олдида қўпорувчилик ҳаракатлари содир этилиши мумкинлиги ҳақида хабар берилади. Шу вақт Иброҳим Норметов элчихонанинг асосий кириш жойи томон номаълум шахс келаётганини кў­риб, уни тўхтатиш мақсадида қаршисига чиқади... Би­роқ шу пайт порт­лагич белбоғ боғлаб олган номаълум шахс ўзини портлатиб юборади. Натижада, Иброҳим Норметов ва унинг ёнида бўлган ҳамкасби Ихтиёр Ҳакимов ҳалок бўлади.

Бу жудолик унинг оиласи учун жуда оғир кечди. «У элу юрт осойишталиги йўлида жон фидо қилди, умри зое кетмади», деган туйғугина яқинлари қалбларига далда бўлди.

Ўзбекистон Республика­си Президентининг Фармонига асосан катта сержант И.Норметов ва сафдор И.Ҳакимов «Жасорат» медали билан мукофотланди.

Тинч ва осуда ҳаёт учун жонини фидо этган инсонларнинг номи ва порлоқ хотираси асло унутилмайди. Уларнинг Ватан равнақи йўлидаги жасорати, кўрсатган мардликлари тилларда, дилларда мангу яшайди.

Ички ишлар вазирлиги матбуот хизмати.



DB query error.
Please try later.