Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
04.05.2013

ХИЁБОНДАГИ ЎН ТЎРТ ТУП ДАРАХТ

Муҳтарам Президентимиз Наманганга ташрифлари чоғида ҳар гал турли масалаларда, жумладан, ободончилик борасида ҳам янги-янги истиқболли тавсия ва таклифлар берадилар.

Наманган, айниқса, Президентимизнинг 2009 йил июлдаги ташрифидан сўнг катта тарихий ўзгаришлар сари юз бурди.

Вилоятнинг ҳар жиҳатдан юксалишига асос бўладиган учта қарор ва унинг ижроси, хусусан, «Наманган шаҳри ижтимоий инфратузилмасини тубдан ривожлантириш дас­тури тўғрисида»ги қарор вилоят аҳли кайфиятини кўтариб юборди.

Бугун ҳар бир наманганлик замонавий шаҳарсозликка монанд ҳовли жой ва хонадонларини, кўча гузарларини яшнатишга бел боғлаган. Азалдан «Гуллар шаҳри» мақомида таърифланадиган вилоятда гул етиштирувчилар сони бугунга келиб уч-тўрт баробарга ўсди.

Бобур номидаги маданият ва истироҳат боғида кейинги 3 йил ичида 4 миллиард сўмдан зиёд таъмир ишлари амалга оширилди. 17 гектардан иборат шаҳарнинг қоқ ўртасидаги истироҳат боғида катта-ю кичикка бирдек зав­қу сурур бағишлайдиган энг ноёб гул ва дарахтлар барқ уриб яшнамоқда.

Боғ маъмурияти қошида фаолият юритаётган «Нафосат» гул иш­қибозлари клуби раҳбари Дилбархон ­Содиқова ташаббуси билан боғ хиё­бонларининг бирига хотира ва қадр хиёбони, деб ном берилганди. Бу ерда турли соҳаларда ибратли ишларни амалга оширган вилоятнинг 14 нафар таниқли инсонларига атаб 14 туп магнолия ўтқазилганди.

Улар Давлат мукофоти соҳиби, Халқ шоири Ҳабиб Саъдулла, ­муаллим Тень Хайдон, рассом-ўймакор Людмила Лопатинская, математика фанлари доктори ­Муфат Маматов, саноатчи Тўраш Жўраев, Наманган ободончилиги фидойиларидан бири Мелихон ­Иброҳимова, ободончилик фидо­йиси ­Семён ­Фаражов, машҳур жарроҳ ­Григорянц Саркисянович,  гулчи ­Салимахон Парпиева…

Бундан тўрт аср муқаддам Америка қитъасида топилиб, олам элларини маҳлиё айлаган мафтункор ва бетакрор магнолия йилнинг тўрт фаслида ҳам зумрад япроқларини кўз-кўзлаб, май ойида ўзбекнинг шокосасидай оппоқ гулларидан ­муаттар ифор таратади. Ҳамма жойда ҳам яшаб кетолмайдиган ноёб бу гул дунё табиатшунослигининг таниқли намояндаси П. Магнон номини абадиятга муҳрлаб, Наманган боғининг «Хотира ва қадр хиёбони»да қулф уриб очилмоқда.

Вилоятда ҳар йили Хотира ва қадр­лаш куни айнан шу хиёбондан бошланади. Номи магнолия тимсолида абадийлаштирилган азиз сиймоларнинг яқинлари — фарзанд ва шогирдлари, ҳамкасб­лари, ёру биродарлари хиёбонда тўпланадилар.

Хотира ва қадр. Миллий анъаналаримизнинг минглаб йиллик тарихи билан бўйлашиб, истиқлолдан тағинда зийнатланган бу қадрият Наманган боғидаги 14 туп дарахт тимсолида гуркираб, гулламоқда.

Носиржон ДЕҲҚОНОВ,

«Ўзбекистон овози» мухбири.



DB query error.
Please try later.