30.04.2013

ПАРТИЯ ДАСТУРИЙ МАҚСАДЛАРИ

амалга ошиши учун барчамиз ҳаракат қилишимиз зарур

Бугунги кунда халқ депутатлари Навоий вилоят Кенгашида 15 нафар, шаҳар ва туман Кенгаш­ларида 109 нафар ЎзХДП вакили бўлган депутат фао­лият кўрсатмоқда. Улар ўтган йил давомида партия­нинг 2011-2014 йилларга мўлжалланган Ҳара­кат дас­туридан келиб чиқиб қатор ишларни амалга оширди. Шунингдек, халқ депутатлари шаҳар ва туман Кен­гашлари сессиялари кун тартибига электо­рат манфаат­лари ҳамда аҳолининг турмуш фаровонлигини таъ­мин­лашга қаратилган кўплаб масалаларни киритишди.

ЎзХДП Навоий вилоят кенгашининг яқинда бўлиб ўтган пленумида мазкур йўналишлардаги ишларни янада жонлантириш, депутатлик гуруҳлари фаолиятини кучайтириш орқали партиянинг дастурий мақсадларини ҳаётга изчил жорий этишга эришиш масалалари муҳокама этилди.

Унда партия Марказий Кенгаши масъул ходимлари, Олий Мажлис Қонунчилик палатаси депутатлари ҳамда халқ депутатлари вилоят, туман ва шаҳар Кенгашларидаги ЎзХДП депутатлик гуруҳлари аъзолари иштирок этди.

— Партия ташкилотларимиз ўтган йилги иш фаолиятини ХДП дастурий мақсадлари ҳамда Мамлакатимизда демократик ислоҳотларни янада чуқурлаштириш ва фуқаролик жамиятини ривожлантириш концепциясида белгилаб берилган устувор вазифалардан келиб чиққан ҳолда олиб борди, — деди ЎзХДП Навоий вилоят кенгаши раиси Шерали Умаров. — Айниқса, жисмоний имконияти чекланган, ижтимоий ҳимояга муҳтож аҳоли вакилларини қўл­лаб-қувватлаш, уларнинг турмуш даражасини ошириш масаласи диққат марказимизда бўлди.

Хусусан, халқ депутатлари Қизилтепа туман Кенгашидаги ЎзХДП депутатлик гуруҳи йиғилишида хотин-қизлар бандлигини таъминлашда уй меҳнати ҳамда касаначиликни ташкил этиш, маҳаллаларда хизмат кўрсатиш ва сервис соҳасини ривожлантириш масаласи атрофлича кўриб чиқилиб, қатор вазифалар белгилаб олинган эди. Ҳозирда бу борада муайян натижаларга эришяпмиз.

Халқ депутатлари Навбаҳор туман Кенгашидаги партия депутатлик гуруҳи томонидан ички йўлларни таъмирлаш ва сақлаш, молиялаштириш манбаларини кенгайтириш, аҳолининг тоза ичимлик сувига бўлган талабини қондириш ҳамда мавжуд тармоқларни реконструкция қилиш масаласи халқ депутатлари туман Кенгаши сессияси муҳокамасига киритилиб, тегишли қарор қабул қилинди.

Пленумда «Обод турмуш йили» Давлат дастури ижросини таъминлашда партия таш­килотлари ва депутатлик бирлашмаларининг иштирокини кучайтириш, вилоят партия кенгаши ижроия қўмитаси ҳам­да халқ депутатлари вилоят Кенгашидаги депутатлик гуруҳининг 2012 йил давомидаги фаолияти якунлари ҳамда вилоят кенгашининг 2012 йилги бюджети ижроси ва 2013 йилги бюджетининг асосий кўр­саткичлари кўриб чиқилди.

Пленумда партия ташкилотлари ҳамда депутатлик бирлашмалари фаолияти танқидий руҳда таҳлил этилди. Кадрлар салоҳиятини ошириш, бошлан­ғич партия ташкилотлари билан ишлашнинг янги механизм­ларини ҳаётга татбиқ этиш бў­йича ҳамда кўриб чиқилган бош­қа масалалар юзасидан қарорлар қабул қилинди.

Илҳом САТТОРОВ,

«Ўзбекистон овози» мухбири.



DB query error.
Please try later.