Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
20.04.2013

«ОММАВИЙ МАДАНИЯТ»ГА ҚАРШИ КУРАШИШ

ижтимоий шериклик муносабатларини янада кучайтиришни талаб этади

ЎзХДП Марказий Кенгаши, Ўзбекис­тон Ёзув­чилар уюшмаси, «Оила» илмий-амалий мар­кази ва Республика Маъна­вият-тарғибот марка­зи ҳамкорлигида Ислом Каримовнинг «Юксак маънавият — енгилмас куч» асарида илгари сурил­ган ғоялар асосида ижтимоий тарақ­қиётимизга таҳдид солаётган турли маф­куравий хуружларга қарши ку­рашиш масала­ларига бағишланган семинар ташкил этилди.

Шарбат АБДУЛЛАЕВА, ЎзХДП Марказий Кенгаши раиси ўринбосари:

— Бугун «оммавий маданият» миллий маънавиятимиз, қад­риятларимизга хавф туғдирмоқда. Айрим гуруҳлар ёшлар онгига ёт ғояларни сингдириб, ғаразли мақсадларини амалга оширишга ҳаракат қилмоқда. Унинг салбий оқибатларидан сақ­ланиш учун, аввало, ўсиб келаётган ёш авлодни миллий ғоя, унинг ўзагини ташкил этувчи халқимизга хос эзгулик ва яра­тувчанлик, бунёдкорлик, Ватанга муҳаббат, эл-юртга садоқат руҳида тарбиялаш ишларини за­монавий усуллар ёрдамида яна­да кучайтириш лозим.

Бунда Юртбошимизнинг «Юксак маънавият — енгилмас куч» асари бизга дастуриламал бў­либ хизмат қилади.

Миллий мафкурани ҳамда тар­ғибот ишларини кучайтиришда фуқаролик жамияти инс­титутлари, хусусан, сиёсий пар­тияларнинг ўрни ва иштироки муҳим аҳамият касб этади. Шунингдек, бу борада ўзаро ҳамкорлик, ижтимоий шериклик муносабатларини ривожлантириш яхши самара беради.

Маҳмуд ТОИР, Ўзбекистон халқ шоири, Олий Мажлис Сенати аъзоси:

— Маълумки, маънавият илм-фан, маданият, адабиёт, санъат билан узвий боғлиқ, ўзаро муштарак тушунчадир. Айниқса, Шарқ­да илм, санъат ва адабиётни маънавиятдан, иймону эътиқоддан айри ҳолда тасаввур этиб бўлмайди.

Мустақиллик туфайли буюк бобокалонларимиз қолдирган улкан маънавий меросдан баҳраманд бўлиш имконига эга бўлдик. Энди фарзандларимиз тарбиясида улардан, албатта, фойдаланишимиз зарур. Шундай йўл тутишимиз лозимки, токи улғайиб келаётган авлод ёмондан ҳазар қилсин, ҳасад қилишдан уялсин, сотқинликни ор деб билсин. Четдан ёпирилиб келаётган «оммавий маданият»га қарши курашсин.

Ҳафиза КАРИМОВА, Олий Мажлис Қонунчилик палатаси депутати, ЎзХДП фракцияси аъзоси:

— Кишида маънавиятни шакл­лантиришга бевосита таъсир кўрсатадиган муҳим омил бу таълим-тарбия тизимидир. Шу боис мамлакатимизда етук ва баркамол авлодни тарбиялаш, оила институтининг таълим муассасалари билан амалий ҳамкорлигини мустаҳкамлаш бўйича кенг кўламли ишлар олиб борилаяпти.

Ўтган йили мингга яқин умумтаълим мактаби замонавий ком­пьютерлар, мингдан зиёд касб-ҳунар коллежининг ўқув- устахоналари амалий маш­ғулотлар учун зарур бўлган жиҳозлар билан таъминланди. «Электрон таъ­лим» лойиҳаси доирасида олий ўқув юртларининг кутубхона фондларини электрон шаклга ўтказиш борасида ишлар бошланди.

Ана шу вазифаларга кўмакдош сифатида барча даражадаги партия ташкилотлари ёш­лар ҳамда электорат вакилларини сиё­сий-ҳуқуқий маънавий билимини бойитиш борасида тизимли иш олиб бориши зарур.

Ҳафиза МАМАДАЛИЕВА, Республика «Оила» илмий-амалий маркази директори:

Бугунги кунда дунёнинг айрим ҳудудларида ёт ғоялар таъсири натижасида миллатнинг асрий қадриятлари, миллий тафаккури ва турмуш тарзи издан чиқаётгани, оила ва жамият ҳаёти жиддий хавф остида қолаётганини кузатиш мумкин. Бу каби иллатларнинг олдини олиш, ёшлар орасида маънавий тарғиботни кучайтириш лозим. Тарғибот ишларида ЎзХДП билан ўзаро ҳамкорликда турли тадбирларни амалга ошираяпмиз. Келгусида уни кучайтириш, семинарларни таъсирчан усулларда ташкил этишимиз зарур...

Семинарда, шунингдек, Ёзувчилар уюшмаси раиси Муҳаммад Али, Олий Мажлис Қонунчилик палатаси депутати Абдуғаффор Қирғизбоевлар сўзга чиқиб, дунёда ахборот хуружлари авж олаётган, айниқса, турли ёт оқимлар таъсири кучайиб бораётган бир пайтда ёшларимизни бу хавфдан огоҳ этиш, уларда мустақил фикрни шакллантириш бугунги демократик янгиланишлар жараёнида ўта муҳим ва долзарб масала экани ҳақида фикр билдиришди.

Аброр ҚУРБОНОВ,

ЎзХДП МК масъул ходими.



DB query error.
Please try later.