Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
18.04.2013

ЎЗБЕКИСТОН — ИСТЕЪДОДЛАР МАМЛАКАТИ

Дунёда истеъдодсиз боланинг ўзи йўқ. Лекин қизиқишларига ўз вақтида эътибор бермаслик, ғамхўрлик кўрсатмас­лик, етарли шароит яратмаслик натижаси­да унинг интилишлари юзага чиқмай қо­ли­ши мумкин.

Президентимиз таъкидла­гани­дек: «Билимга чанқоқ, истеъдодли ёшларни топиб, уларни Ватанга фидойи инсонлар қилиб тарбиялаш муқаддас вазифадир».

Аслида, шавкатли аждодларимиз истеъдодларни тарбиялаш борасида беқиёс тажрибага эга бўлишган. Хоразмлик Абу Наср ибн Ироқ оддий болани тарбиясига олиб, уни буюк аллома Абу Райҳон Беруний даражасига етказган.

Мирзо Улуғбек давлат ишлари ва илм  билан машғул бўлишига қарамасдан, Али Қушчининг улуғ олим мақомига эришишига шарт-­шароит яратган.

Ҳазрат Алишер Навоий рангтасвирга меҳр қўйган Камолиддин Беҳзодни тенгсиз мусаввир бўлиб етишишига ўз ҳиссасини қўшган...

Юртимизнинг шонли анъанаси мустақиллик туфайли тикланди. Шуни ғурур билан айтиш керакки, мамлакатимизда истеъдод тарбияси давлат сиёсати даражасига кўтарилди.

Бу юртимизда таълим ислоҳотларининг тобора чуқурлашиб бораётганида, ўқув муассасаларининг моддий-техник базаси мустаҳкамланаётганида, истеъдодли ўқувчи-ёшларни аниқлаш ва рағбатлантириш мақсадида фан олимпиадалари, кўрик-танловлар, фес­тиваль ва спорт мусобақалари ўтказилаётганида яққол намоён бўлмоқда.

Айниқса, бу борада иқтидорли талабаларга Президент стипендияси, Абу Райҳон Беруний, Мирзо Улуғбек, Алишер Навоий номидаги Давлат стипендиялари таъсис этилгани, адабиёт, маданият, санъат, таълим ва спорт соҳаларида ноёб истеъдодини намоён этган қизларимизнинг Зулфия номидаги Давлат мукофоти билан тақдирланиб бори­лаёт­гани муҳим аҳамият касб этмоқда.

1994 йилда шоҳмотда даст­лабки муваффақиятларга эришган Рустам Қосимжоновга Президентимиз сов­ғаси — замонавий компьютер ва уч юз мингдан зиёд шоҳмот ўйинлари матни ёзилган диск тақдим қилинди, иқтидорли шоҳмотчига ҳомийлар бириктирилди. Бундай эътибор-ғам­хўр­ликдан руҳланган Рустам Қосимжонов зиммасидаги вазифани чуқур англади ва Президентимиз раҳнамолигида жаҳон чемпиони бўлди, халқимиз ва дунё шоҳмотининг ифтихорига айланди.

Юртимизда иқтидорли ёш­ларга мунтазам равишда ғамхўрлик кўрсатиб келинмоқда. Дзюдо бўйича икки карра Олимпия ўйинлари бронза медали совриндори, икки карра жаҳон чемпиони, бухоролик Ришод Собировни олайлик. Унга пойтахтимизнинг Алишер Навоий кўчасида янги қурилган муҳташам уйлардан турар-жой ажратилди, мамлакатимизда ишлаб чиқарилган «Ласетти» автомашинаси сов­ға қилинди...

Шоҳмот бўйича ўзбек қизларидан биринчи бўлиб хал­қ­­­­­­­­а­ро гроссмейстер унвони билан шарафланган фарғоналик Нафиса Мўминовага Президентимиз совғаси — замонавий компьютер топширилди...

  Ишончимиз комил, Обод турмуш йилида Давлат стипендиялари ва Зулфия номидаги Давлат мукофоти­ ­лауреатлари бўлган ёшларимизнинг, нуфузли халқаро мусобақаларда ғолиб чиқиб, Ватанимиз шуҳратига шуҳрат қўшаётган ёш спортчиларимизнинг ибратли фаолияти, уларнинг ноёб истеъдоди ва эришган ютуқларини кенг тар­ғиб қилишда журналистларимиз, барча ижодкорларимиз фаоллик кўрсатишади.

Улар ҳақидаги таҳлилий материаллар барчада фахр-ифтихор туйғусини уйғотиши билан бирга ёшларимизга намуна бўлади, уларнинг ўзларини эса юксак мақсадлар сари ундайди.

Бу ёшлар эртанги кунимизнинг берунийлари, али қуш­чилари, камолиддин беҳзодлари, рустам қосимжоновлари бўлса не ажаб!

Истеъдодли ёшларимиздан бири шоҳмотчи Нафиса МЎМИНОВА ҳақидаги мақолани эътиборингизга ҳа­вола этмоқдамиз.

Асрор МЎМИН



DB query error.
Please try later.