09.04.2013

ЕТАРЛИ ҲУҚУҚ ҲАМДА ВАКОЛАТГА ЭГАМИЗ

фақат улардан самарали фойдаланиш керак

ЎзХДП Қашқадарё вилоят кенгашининг навбатдаги пленуми бўлиб ўтди. Унда вилоят партия ташкилотлари ва депу­татлик бирлашмаларининг партия дастурий мақсад ҳамда вазифаларини бажариш, электорат манфаатларини ҳимоя қилишга қаратилган фаолиятини янада такомиллаштириш масаласи юзасидан атрофлича фикр алмашилди.

Дастлаб мазкур масала юзасидан вилоят партия кенгаши раиси, халқ депутатлари вилоят Кенгашидаги депутатлик гуруҳи раҳбари Олим Равшанов маърузаси тингланди.

— Янги иш ўринлари ташкил этиш ва аҳоли бандилигини таъминлаш ишларининг самарадорлигини оширишга таъсир кўрсатиш бу йилги фаолиятимизнинг асосий йўналишларидан бири бўлиб қолади, — деди у. — Президентимиз ўз чиқишларида маҳаллий ҳокимият идоралари раҳбарларининг фаолиятига одамларни, биринчи навбатда, касб-ҳунар коллежлари битирувчиларини ишга жойлаштириш масаласи уларнинг ҳудудида қандай ҳал қилинаётганига қараб баҳо берилишини бир неча бора таъкидлаган. Чунки бу аҳолининг манзилли ижтимоий ҳимоясини кучайтириш, ҳудудларни обод қилиш, одамларнинг ўз ҳаётидан рози бўлиб яшашини таъминлашда ўта муҳим масаладир. Бизда эса маҳаллий ҳокимият идоралари раҳбарлари фаолиятини назорат қилиш бўйича етарли ҳуқуқ ҳамда ваколат бор. Шундай экан, бу борадаги ишларда, энг аввало, биз ташаббускор бўлишимиз ҳамда масъулиятни зиммамизга олиб, изчил фаолият олиб боришимиз зарур.

Мунозараларда иштирок этган Олий Мажлис Қонунчилик палатаси депутати Комила Каромова, ЎзХДП Марказий Кенгаши масъул ходими Боймурод Юсупов, халқ депутатлари Қарши шаҳар Кенгаши депутати Рашид Муртазоевлар, 2013 йилда партия ташкилотлари ва депутатлик гуруҳларининг ижтимоий ва иқтисодий вазифаларни ҳал этиш, Янги иш ўринларини ташкил этиш ва аҳоли бандлиги дас­тури ижросини таъминлашдаги иштирокини кенгайтириш бўйича фикр билдирдилар.

Пленумда партия ҳаётига оид бошқа қатор масалалар ҳам муҳокама этилиб, тегишли қарорлар қабул қилинди.

Зулфиқор УСМОНОВ



DB query error.
Please try later.