11.04.2013

ҲАКАМЛИК СУДЛАРИ

фаолиятини такомиллаштириш масалалари муҳокама қилинди

Ҳакамлик судлари фуқаролик ҳуқуқий муносабатларидан келиб чиқувчи низоларни, жумладан, тадбиркорлик субъектлари ўртасида вужудга келувчи хўжалик низоларини ҳал этишда ўзига хос ўрин тутаяпти. Бу мамлакатимизда бозор муносабатларини янада чуқурлаштиришда муҳим аҳамиятга эга бўлмоқда.

Олий Мажлис Қонунчилик палатасининг Қонунчилик ва суд-ҳуқуқ масалалари қўмитаси йиғилишида «Ҳакамлик судлари тўғрисида»ги Ўзбе­кистон Республикаси қонунининг Тошкент шаҳрида ижро этилишини назорат-таҳлил тартибида ўрганиш на­тижалари кўриб чиқилди.

Таъкидлаш керакки, мазкур қонун мамлакатимизда ҳакамлик судларини ташкил этиш ва уларнинг фаолиятига оид муносабатларни тартибга солишда ҳуқуқий асос бўлиб хизмат қилмоқда. Ҳакамлик судлари фуқаролик ҳуқуқий муносабатларидан келиб чиқувчи низоларни, жумладан, тадбиркорлик субъектлари ўр­тасида вужудга келувчи хўжалик низоларини ҳал этишда ўзи­га хос ўрин тутаяпти. Бу мамлакатимизда бозор муносабатларини янада чуқурлаштиришда муҳим аҳамиятга эга бўлмоқда.

Йиғилишда Қонунчилик палатаси депутатлари, Олий суд, Олий хўжалик суди, Бош прокуратура, Адлия вазир­лиги, Савдо-саноат палатаси, Ўзбекистон ҳакамлик суд­лари ассоциацияси ҳамда бошқа мутасадди вазирлик ва идоралар вакиллари иштирок этиб, мавзу юзасидан фикр-мулоҳазалар билдиришди.

Таъкидландики, «Ҳакамлик судлари тўғрисида»ги қонун қабул қилиниб, кучга киргандан буён деярли барча вилоятларда ҳакамлик судларини ташкил этиш борасида муайян ишлар қилинди. Адлия вазирлиги томонидан 2013 йил 1 январь ҳолатига кўра, республикамиз бўйича 208 та доимий фаолият юритувчи ҳакамлик суди рўйхатга олинган. Уларда 749 нафар ҳакамлик су­ди судьяси ҳисобда туради.

Савдо-саноат палатаси ҳам­да унинг Қорақалпо­ғистон Республикаси ва вилоятлар ҳудудий бошқар­мала­ри ҳузурида 124 та, Ўз­бекис­тон ҳа­камлик судлари ассо­циация­си ҳамда унинг ваколатхоналари ҳузурида 155 та, шунинг­дек, бошқа юридик шахс­лар ҳузурида ҳам ҳакамлик судлари ташкил этил­ган.

Ҳакамлик судлари ўз фао­лиятини холислик, қонунийлик, мустақиллик, ҳакамлик му­ҳокамаси тарафларининг тортишуви ва тенг ҳуқуқли­лиги тамойиллари асосида амалга оширмоқда.

Йиғилишда «Ҳакамлик суд­лари тўғрисида»ги қонун ижросини таъминлаш борасида амалга оширилган ижобий ишлар эътироф этилиб, ҳа­камлик судлари фаолиятини ташкил этиш ва ишларнинг қо­нун талабларига қатъий риоя қилган ҳолда кўриб чиқили­шини таъминлаш борасида йўл қўйилаётган айрим камчиликларга алоҳида тўх­талиб ўтилди.

Хусусан, назорат-таҳлил да­вомида ҳакамлик судлари томонидан айрим ҳолларда қо­нун меъёрларига зид равишда, ўз ваколатларига кирмайдиган масалалар юзасидан даъво аризаларини кў­риб чиқиш амалиё­ти учраётгани маъ­лум бўл­ди.

Депутатлар ва мутахассислар бундай камчиликларнинг сабаблари ва уларни бартараф этиш чоралари бўйича ўз фикр-мулоҳазаларини бил­диришди. Хусусан, ҳа­камлик судь­яларини тайёрлаш ва малакасини оширишни талаб даражасида ташкил этиш, доимий фаолият кўрсатувчи ҳа­камлик судларини рўйхатдан ўтказиш ҳам­да муваққат ҳа­камлик судларини ҳисобга олишни ташкилий-ҳуқуқий жиҳатдан янада такомиллаштириш лозимлиги қайд этилди.

Бундан ташқари, йиғилишда хўжалик юритувчи субъект­лар, ишлаб чиқарувчилар ва хизмат кўрсатувчиларнинг ҳакамлик судлари ҳақидаги билими ва хабардорлигини ошириш, «Ҳакамлик судлари тўғрисида»ги қонуннинг мазмун-моҳияти ва аҳамиятини тушунтиришга қаратилган турли ўқув машғулотлари, тарғибот ишларини кучайтириш талаб этилаётгани таъкидлаб ўтилди.

Йиғилиш якунида қўмита муҳокама қилинган масала юзасидан қарор қабул қилиб, мутасадди вазирлик ва идораларга қонуннинг ижросини таъ­минлаш бўйича тегишли тавсиялар берди.

Тўлқин ТЎРАХОНОВ



DB query error.
Please try later.