Охирги сонда



Кўп ўқилган мақолалар



Долзарб мавзу



Мақолалар архиви

«    Yanvar 2019   
Du Se Cho Pa Ju Sha Ya
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
09.04.2013

ЭЛЕКТОРАТ БИЛАН ИШЛАШ ТИЗИМИ

такомиллаштирилиши зарур

Ҳар бир сиёсий партиянинг асосий мақсади мамлакат тараққиётига муносиб ҳисса қўшишдир. Бу электорат манфаатларини ҳимоя қилиш ҳамда уларга муносиб турмуш шароитлари яратилиши учун курашиш йўли билан амалга оши­рилади.

ЎзХДП Марказий Кенгаши то­монидан ташкил этилган нав­батдаги сиёсий ўқув-машғулотида электорат манфаатларини ўрганиш, у билан ишлашнинг замонавий шакл ва услублари, бу борада қилинаётган ишларни такомиллаштириш масалалари муҳокама қилинди.

Партия Марказий Кенгаши раиси ўринбосари Шарбат Абдуллаева электорат билан ишлашда тўпланган тажриба, шундан келиб чиқиб янги ғоя­лар, лойиҳаларни илгари суриш лозимлигини таъкидлади. Ҳар бир партия ташкилоти тегишли ҳудуднинг ўзига хос хусусиятларидан келиб чиқиб, одамлар орасига янада чуқурроқ кириб бориши зарурлиги ҳақида сўз юритди.

— Электоратни ташвишга солаётган масалаларни ўрганиш ва ҳал этиш партия ташкилотларининг асосий вазифаси ҳисобланади, — деди Олий Мажлис Қонунчилик палатаси депутати, ЎзХДП фракцияси аъзоси Назира Матёқубова. — Энг аввало, бошланғич ташкилотлар мавжуд муаммоларни ўрганиши ҳамда уларни ҳал этиш юзасидан таклифларини юқори партия ташкилотларига тақдим этиши керак. Зарур бўлса, Олий Мажлисдаги фрак­циямиз аъзоларига берилиши тавсия этилади. Масала чуқур ўрганилгач, лозим топилса, тегишли қонун ҳужжатларига ўз­гартиш киритиш бўйича таклифлар тайёрланади. Шу тариқа электоратнинг муаммо­лари босқичма-босқич бартараф этилади. Ана шу механизм доимий ва самарали ишласагина кўзланган мақсадга эришиш мумкин.

Шунингдек, тадбирда Олий Мажлис Қонунчилик палата­сидаги ЎзХДП фракцияси аъзолари Ҳафиза Каримова, Шуҳрат Турсунбоев, халқ депутатлари Тошкент шаҳар Кенгашидаги партия депутатлик гуруҳи аъзолари Кимё Шокирова, Нигора Эшметова ва бош­қалар сўзга чиқиб, мавзу юзасидан фикр-мулоҳазала­рини билдиришди.

Амалий семинар якунида электорат билан ишлашда ян­ги лойиҳалар тайёрлаш бо­расида тавсиялар ишлаб чиқилди.

Нурали ОРИПОВ,

«Ўзбекистон овози» мухбири.



DB query error.
Please try later.