09.04.2013

ЮРТ ФАРОВОНЛИГИ ЙЎЛИДА

Дунёнинг кўпгина давлатлари иқтисодиётида ҳали-ҳануз молиявий-иқтисодий инқироз ўз салбий таъсирини кўр­сатаётган бир пайтда мамлакатимизда Президентимиз раҳна­молигида амалга оширилаётган ислоҳотлар туфайли иқтисо­диётнинг барқарор ўсиш суръатлари таъминланмоқда. Бунда, албатта, юртимиз банк-молия тизимида олиб борилаётган ишлар муҳим аҳамият касб этади.

Мамлакатимиз тижорат банклари томонидан юртимиз равнақи, йўлида амалга оширилаётган чора-тадбирлар, кўрсатилаётган хизмат турлари аҳоли турмуш тарзини яхшиланишига ҳамда халқимиз фаровонлигини оширишга хизмат қиляпти.

Бугунги кунда мамлакатимиз молия бозорида мустаҳкам мавқега эга бўлган «Ўзсаноатқурилишбанк» очиқ акциядорлик тижорат банкининг Сурхондарё минтақавий филиали ва унинг 6 та минибанклари 14 мингдан зиёд хўжалик юритувчи субъектлар аҳолига барча турдаги банк хизматлари кўрсатиб келмоқда. Мижозларнинг аксарият қисми хусусий ва кичик корхоналар, ширкатлар ва жамиятлар, деҳқон ва фермер хўжаликлари, қўшма корхоналар ҳамда якка тартибдаги тадбиркорлардир.

2013 йил 1 январь ҳолатига вилоят иқтисодиётининг турли соҳаларига йўналтирилган банк кредит қўйилмалари ҳажми 16.7 млрд сўмни ташкил қилди. Бунинг 11.9 млрд сўми узоқ муддатли кредитлардир. 

Жумладан, банк томонидан ўтган йили 6.1 млрд сўм миқдоридаги 20 та инвестицион лойиҳа молиялаштирилди. Мисол тариқасида, вилоятдаги «Кавсар Мадад» хусусий корхонасига қурилиш материаллари ишлаб чиқаришни ташкил этиши учун 160.0 млн сўм, «Агрохизмат Шингдон» қўшма корхонасига 1500.0 млн сўм миқдорида кредит маблағлари ажратилди. Юқоридаги манзилли дастурлар ижроси натижасида қўшимча 348 та янги иш ўрни яратилди.

Шунингдек, вилоятда кичик бизнес ва хусусий тадбиркорликни ривожлантириш, ишлаб чиқаришни қўллаб-қувватлаш борасида амалга оширилаётган ишларда банк минтақавий филиалининг ҳиссаси салмоқли бўлмоқда. 2013 йилда соҳани ривожлантиришга 24.2 млрд сўмдан зиёд кредит маблағлари йўналтирилиши белгиланган.

Президентимизнинг Озиқ-овқат маҳсулотлари ишлаб чиқаришни кенгайтириш ва ички бозорни тўлдириш юзасидан қўшимча чора-тадбирлар тўғрисидаги қарорига асосан 3.3 млрд сўм миқдорида ҳамда Маҳаллий ноозиқ-овқат истеъмол товарлари ишлаб чиқариш кенгайтирилишини рағбатлантириш борасидаги қўшимча чора-тадбирлар тўғрисидаги қарорига асосан, ўтган йили 2.5 млрд сўм миқдорида банк томонидан кредит маблағлари ажратилганлиги натижасида 2013 йили воҳадаги кўплаб ёшлар иш билан таъминланишига эришилди. 

Инвестиция ресурсларининг ғоят муҳим манбаи сифатида аҳолининг нақд пул маблағларини банк омонатларига жалб этишни янада рағбатлантириш бўйича ҳам минтақавий филиал томонидан ибратли ишлар амалга оширилмоқда. Жумладан, ҳозирги пайтда 35 турдаги миллий ва хорижий валютадаги омонатлар жорий қилинган бўлиб, бу омонатларни банк­нинг барча филиалларида расмийлаштириш мумкин. Омонатларга қўйилган маблағлар белгиланган муддатларда омонатчиларнинг биринчи талаблари асосида фоизлари ҳисобланган ҳолда қайтарилмоқда. Бу ишлар натижасида аҳоли омонатлари қолдиғи 2013 йил 1 январь ҳолатига ўтган йилнинг шу даврига нисбатан 117 фоизга ўсди. Бу эса аҳолининг банкка бўлган ишончи янада ошиб бораётганидан далолат беради.

Ҳар қандай банкнинг обрўси ва рақобатбардошлиги унинг ходимлари томонидан яратилади ва кўп жиҳатдан уларнинг малакаси билан белгиланади. Ҳозирги кунда «Ўзсаноатқурилишбанк» очиқ акциядорлик тижорат банки Сурхондарё минтақавий филиалида юксак малакали ва кўп йиллик иш тажрибасига эга, ўз ишининг билимдонлари фаолият юритмоқда. Ходимлар малакасини ошириш, ҳар томонлама ташкилотчилик қобилиятига эга бўлган ёш мутахассисларни қўллаб-қувватлаш, рағбатлантириш ишларига алоҳида эътибор қаратилмоқда.

Амалга оширилаётган ишлардан кўриниб турибдики, «Ўзсаноатқурилишбанк» очиқ акциядорлик тижорат банкининг Сурхондарё минтақавий филиали жамоаси Обод турмуш йилида мижозларга сифатли банк хизматлари кўрсатиш, вилоят иқтисодиётининг реал сектори корхоналарини молиявий қўллаб-қувватлаш, кичик бизнес ва хусусий тадбиркорлик субъектлари лойиҳаларини молиялаштириш бўйича ишларни янада фаоллаштиришга ҳаракат қилмоқда.

Иброҳим ЁҚУБОВ,

иқтисодчи.



DB query error.
Please try later.