Охирги сонда



Кўп ўқилган мақолалар



Долзарб мавзу



Мақолалар архиви

«    Yanvar 2019   
Du Se Cho Pa Ju Sha Ya
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
06.04.2013

КАСБ-ҲУНАР КОЛЛЕЖЛАРИ БИТИРУВЧИЛАРИ БАНДЛИГИ

масаласи ечими нималарга боғлиқ?

Яқинда халқ депутатлари Наманган вилоят Кенгашидаги Ўзбекистон ХДП депутатлик гуруҳи ҳамда Ижтимоий-маданий ривожланти­риш, ёшлар ва соғлом авлод масалалари доимий комиссиясининг кен­гайтирилган қўшма йиғилишида ушбу мавзу атрофлича муҳокама этил­ди. Унда Олий Мажлис Қонунчилик палатаси депутатлари, мутасадди идоралар вакиллари иштирок этди.

Йиғилишда таъкидландики, бу йил вилоятда 107 та касб-ҳунар коллежини 95 та йўналиш бўйича 43 минг 574 нафар ёш битириб, меҳнат бозорига кириб кел­моқда. Меҳнат ва аҳолини ижтимоий муҳофаза қилиш бош бошқармаси, шаҳар ва туман ҳокимликлари, манфаатдор кор­хона ва идоралар билан биргаликда битирувчиларни эгаллаган мутахассислигига мувофиқ ишга жойлаштириш бўйича чоралар ишлаб чиқилган. Ҳозиргача 13 мингдан ортиқ битирувчи билан уч то­монлама шартномалар тузилди. Жорий йилда вилоятда яратилиши кўзда тутилган 75 мингдан ортиқ иш ўрнининг 45 фоизи айнан касб-ҳунар коллежлари битирувчилари учун мўлжалланган.

Вилоят ҳокимлиги, вилоят прокуратураси, Ўрта махсус касб-ҳунар таълими бошқармаси, Меҳнат ва аҳолини ижтимоий муҳофаза қилиш бош бошқармаси билан ҳамкорликда махсус гуруҳ ташкил этилган бўлиб, ҳар бир коллеж битирувчисига диплом топширилганидан сўнг, уч томонлама шарт­нома имзолаган иш берувчи томонидан у ишга қабул қилиниб, меҳнат даф­тарчаси очилиши на­зоратга олин­моқда.

Афсуски, айрим ҳудудларда битирувчилар учун ажратилган иш ўринлари етарли эмаслиги ёки мутахассислигига тўғри кел­маслиги билан боғлиқ муаммолар учрамоқда. Бундан ташқари, ишга жойлашган битирувчи­ларнинг муайян қисми кўп ўт­май бўшаб кетаётгани кишини жиддий ўйлантиради.

Депутатлар битирувчиларни иш билан таъминлаш билан боғ­­лиқ шу ва бош­қа жиҳатларни атрофлича муҳокама этишди.

Ўрта махсус касб-ҳунар таълими бош­қармаси бошлиғи Раҳматжон Ғуломов ҳамда Меҳнат ва аҳолини ижтимоий муҳофаза қилиш бош бошқармаси бошлиғи вазифасини бажарувчи Бахтиёр Воҳидовнинг масала юзасидан ахборотлари тинг­ланди. Мазкур ахборотлар асосида вилоятда коллежлар битирувчиларини ишга жойлаштиришни кучайтириш бўйича муҳим вазифалар белгилаб олинди.

Йиғилишда сўзга чиққан Олий Мажлис Қонунчилик палатаси депутатлари Дилбар Холиқова, Зиёвиддин Мансуров, халқ депутатлари вилоят Кенгашидаги ЎзХДП депутатлик гуруҳи аъзолари Абдурашид Убайдуллаев, Шоира Абророва битирувчиларни ишга жойлаштириш, яратилаётган иш ўринларининг барқарорлигини таъминлашда депутатларнинг фаоллиги ва ташаббускорлигини ошириш муҳим аҳамиятга эга эканини таъкидлашди.

Қўшма йиғилишда касб-ҳунар коллежлари битирувчиларини иш билан таъминлаш самарадорлигини оширишга қаратилган тавсиялар ишлаб чиқилди.

Носир АББОС



DB query error.
Please try later.