Охирги сонда



Кўп ўқилган мақолалар



Долзарб мавзу



Мақолалар архиви

«    Yanvar 2019   
Du Se Cho Pa Ju Sha Ya
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
26.03.2013

ЭЗГУ АМАЛЛАР ВА ИНСОНИЙ ФАЗИЛАТЛАР

намоён этиладиган байрам

Ҳар биримиз бу байрамни доимо катта қувонч, интиқлик ва меҳр билан кутамиз. Юртбошимиз Наврўз байрамига бағишланган тантанали маросимда халқимизга йўллаган табрик сўзида айтганидек, хосият ва файз, қут-барака ва мурувват каби хусусиятларни ўзида мужассам этиши билан кун ва тун тенг келадиган шарқона Янги йилимизни — бу гўзал баҳор айёмини барчамиз орзиқиб кутамиз, эъзозлаймиз, хурсандчилик билан умуммиллий байрам сифатида ўтказамиз.

Дарҳақиқат, Наврўз ҳаё­ти­мизга янгича файз, қут-барака келтира­диган ўзига хос байрам. Одамлар ўртасида меҳр-оқибат ва бир­дамликнинг кучайиши эса тинчликни янада мустаҳкамлаш ҳам­да турмушимиз фаровонлиги ошишига, ижтимоий йўналтирилган бозор иқтисодиёти тараққиё­тига хизмат қилади.

Наврўз кунлари намоён этиладиган урф-одатлар, инсоний фазилатларга эътибор бериб, фикр юритадиган бўлсак, бу эзгу ишлар ЎзХДП ғоявий мақсадларига тўла мос келади. Шунинг учун ҳам партиямиз фаоллари, депутатларимиз ижтимоий ҳимояга муҳтож оилалар ва кишиларни қўллаб-қувватлаш ишларида фаол иштирок этиши талаб қи­линади. Баҳор айёми катта қу­вонч билан нишонланаётган шу кунларда кам таъминланган оилалар, қўллаб-қувватлашга муҳтож кишилар ҳолидан хабар олиниб, уларга моддий ва маънавий кўмак берилмоқда. Жа­миятимизда ижтимоий бирдамлик кучайишида бу каби инсоний омиллар муҳим аҳамият касб этади.

Шуни ҳам алоҳида таъкидлаш керакки, мамлакатимизда ижтимоий ҳимоя тизимини такомиллаштириш бўйича кенг кўламли ишлар амалга оширилмоқда. Биргина мисол, «Ёш оилаларни ижтимоий қўл­лаб-қувватлашга доир қў­шимча чора-тадбирлар тўғрисида»ги ҳукумат қарори асосида республикамизда ёш оилалар учун 2012-2013 йилларда ҳар бири 48 та квартирага эга бўлган 100 та кўпқаватли уй барпо этилмоқда. 2012 йилда 2 минг 400 та квартира фойдаланишга топширилган бўлса, жорий йилда яна шунча квартира қурилади. Ана шундай уйларни харид қилиш учун қулай имконият яратиш мақсадида ёш оила­ларга 15 йил муддатга мўлжалланган имтиёзли ипотека кредитлари берилаяпти.

Бу каби қулайликлар ва ғам­хўрлик ёш оилалар аъзоларининг келажакка ишончини мустаҳкамлаяпти. Бундан руҳланган ёшлар бор куч-салоҳиятини ўзи меҳнат қилаётган соҳа ривожига сарфлайди. Наврўз байрами кунларида амалга ошириладиган эзгу ишларнинг мазмун-моҳияти ҳам меҳр-оқибатни мустаҳкамлаш, инсон қадрини улуғлаш, асрлар давомида яшаб келаётган миллий қадриятларимизни, халқимиз маънавиятини янада юксалтиришга хизмат қилади.

Абдуқаҳҳор ЮСУПОВ,

Олий Мажлис Қонунчилик палатаси депутати, ЎзХДП фракцияси аъзоси.



DB query error.
Please try later.