Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
19.03.2013

ЁШ СИЁСАТЧИЛАР

ижтимоий-сиёсий фаоллиги ошмоқда

Ёшлар миллат келажаги, мамлакат таянчи. Уларнинг ҳам жисмонан, ҳам маънан баркамол бўлиб вояга етиши, Ватан тақдирига дахлдорлик туйғуси билан улғайиши юртнинг порлоқ келажагини таъминлайди. Ўзбекистон Халқ демократик партияси «Истиқбол» ёшлар қаноти фаолиятининг асосий йўналишларидан бири ҳам ана шу эзгу мақсадларга қаратилган. Шу боис ЎзХДП ташкилотларида сиёсий-ҳуқуқий жиҳатдан фаол, ислоҳотлар моҳиятини чуқур англайдиган, бу жараёнларда муносиб иштирок этаётган ёшлар сафи тобора кенгайиб бормоқда.

— Бугунги кунда сафимизда тўрт минг нафардан ортиқ аъзо бор, — дейди ЎзХДП «Истиқбол» ёшлар қаноти Сирдарё вилоят бўлими етакчиси Мурод Ҳайитов. — Уларнинг сиёсий-ҳуқуқий билимини ошириш мақ­садида депутатлар, ҳуқуқшунос, сиёсатшунослар билан учрашувлар, давра суҳбатлари ташкил этиб борамиз.

«Истиқбол» ёшлар қанотининг туман ва шаҳар бўлимларида «Ёш сиёсатчилар» клублари фаолияти йўлга қўйилган бўлиб, уларга етакчилик қилиш учун қанот аъзолари орасидан энг иқтидорли, интилувчан ва ташаббускор йигит-қизларни танлаб олганмиз.

Клуб машғулотларида Ўзбекистон Республикаси Конституцияси, «Фуқаролар сайлов ҳуқуқларининг кафолатлари тўғрисида», «Халқ депутатлари вилоят, туман ва шаҳар Кенгашларига сайлов тўғрисида», «Сиёсий партиялар тўғрисида»ги қонунлар ҳамда ЎзХДП Сайловолди платформаси, Ҳаракат дастури чуқур ўрганиб борилмоқда.

— «Ёш сиёсатчилар» клубида турли шакл ва усулларда машғулотлар ўтказилади, — дейди ЎзХДП «Истиқбол» ёшлар қа­ноти Гулистон шаҳар бўлими фаоли Одил Аҳмедов. — Тадбирларда янги қабул қилинган қонунлар мазмун-моҳияти, ижтимоий аҳамияти борасида фикр­лашамиз, ёшлар ва партия электорати манфаатлари нуқтаи назаридан баҳс-мунозара юритамиз. Айрим масалаларда мутахассисларга мурожаат қиламиз. Шу тариқа билимларимизни мустаҳкамлаб бора­япмиз.

Яқинда Оқолтин, Сайхунобод, Сирдарё, Сардоба туманларида «Ёш сиёсатчилар» клублари томонидан «Депутат ва ёшлар», «Адвокат билан учрашув» каби тадбирлар ўтказилди. Қизғин савол-жавоблар билан ўтган бу учрашувлар ёшларда катта қизиқиш уйғотди.

Дарҳақиқат, бугун ёш сиёсатчилар ижтимоий-сиёсий ҳаётга кириб келаяпти. «Ёш сиёсат­чилар» клуби эса турли ҳаётий масалаларга уларнинг қарашлари, фаол фуқаролик позиция­си шаклланишида муҳим аҳа­мият касб этмоқда.

Нурали ОРИПОВ



DB query error.
Please try later.