Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
05.03.2013

МУҚОБИЛ ЭНЕРГИЯ МАНБАЛАРИ

табиий бойликларимизни асрашга, аҳолининг электр манбаига бўлган талабини қондиришга, коммунал хизматлар таннархини пасайтиришга, бошқача айтганда, инсон манфаатига хизмат қилади

Табиат неъматларидан тежаб-тергаб фойдаланиш инсониятнинг энг муҳим вазифаларидан биридир. Чунки ҳамма нарсанинг чеки, чегараси бўлганидек, табиий бойликларнинг ҳам бир кун охири кўринади. Уларни асраб-авайлаш, келгуси авлодларга қолдириш ҳам фарз ҳам қарздир.

Ўзбекистон Республикаси Президентининг 2013 йил 1 март куни имзоланган «Муқобил энергия манбаларини янада ривожлантириш чора-тадбирлари тўғрисида»ги Фармони бу борада тарихий аҳамиятга эга ҳужжат бўлди, дейиш мумкин. Чунки муқобил энергия манбаларини янада ривожлантириш та­биий бойликларни тежаш ва асрашнинг энг мақбул йўлидир.

Ўзбекистон Республикаси Фан­лар академиясининг «Физика-қуёш» илмий ишлаб чиқариш бир­лашмаси негизида Халқаро қуёш энергияси институтининг ташкил этилиши, «Навоий» эркин индус­триал-иқтисодий зонасида энг замонавий технологияларга асос­ланган 100 МВт қувватли фотоэлектрик панеллар ишлаб чиқарувчи қўшма корхонанинг барпо этилиши, Самарқанд вилояти­да 100 МВт қувватга эга қуёш фо­тоэлектрик станциясининг қу­рилиши, қуёш ҳамда биогаз энер­гиясини ишлаб чиқарувчилар ва фойдаланувчиларнинг рағбатлантирилиши, уларга солиқ ва божхона имтиёзлари ҳамда афзалликлари берилиши шубҳасиз мамлакатимизда мазкур со­ҳа ривожини янги босқичга олиб чиқади.

Энг муҳими, талаб этиладиган энергияни ишлаб чиқариш учун сарфланиши мумкин бўлган қайта тикланмайдиган ва ўрнини тўлдириб бўлмайдиган жуда катта табиий бойликларимизни асраш, улардан оқилона фойдаланиш имкониятларини кенгайтиради. Бундан ташқари, муқобил энергия манбаларининг ривожлантирилиши мамлакатимиз саноат соҳаси ҳамда ишлаб чиқариш тармоқларининг янада жадал ривожланиши учун янги куч бағишлайди.

Ўзбекистон Халқ демократик партиясининг Сайловолди дастурида аҳолига кўрсатиладиган коммунал хизматларнинг юқори сифатли бўлиши учун соҳада рақобат муҳитини ривожлантириш, шу жумладан, энергиянинг муқобил ва тикланадиган манбаларини ҳамда ресурсларини тежайдиган технологияларни қўл­лаш ҳисобига коммунал хизматлар таннархини пасайтириш ва тарифларнинг тегишлича бар­қарорлаштиришни таъминлаш масаласига алоҳида эътибор қаратилган.

Мазкур фармонда белгиланган вазифаларнинг ўз вақтида бажарилишидан мамлакати­миз аҳолиси, айниқса, партиямиз электорати жуда катта манфаатдордир.

Шу боис ҳам бу лойиҳаларни амалга ошириш жараёнларида фаол иштирок этишимиз зарур. «Муқобил энергия манбалари тўғрисида»ги қонун лойиҳасини ишлаб чиқиш ҳамда унинг муҳокамалари жараёнида ташаббускор бўлишимиз, ҳаётий таклифлар билдиришимиз талаб этилади.

Алишер СОДИҚОВ,

Олий Мажлис Қонунчилик палатаси депутати, ЎзХДП фракцияси аъзоси.



DB query error.
Please try later.