Охирги сонда



Кўп ўқилган мақолалар



Долзарб мавзу



Мақолалар архиви

«    Mart 2019   
Du Se Cho Pa Ju Sha Ya
25 26 27 28 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
02.03.2013

ҲУДУДЛАР ИНФРАТУЗИЛМАСИНИ РИВОЖЛАНТИРИШ

масаласи муҳокама қилинди

Халқ депутатлари Самарқанд вилоят Кенгашидаги ЎзХДП де­пу­татлик гуруҳи ва Саноат, транспорт, қурилиш, коммунал хўжалиги, ало­қа ва аҳолига хизматлар кўр­са­тиш масалалари доимий комиссия­си­нинг қўшма йиғилиши бўлиб ўтди. Унда саноат кооперацияси асосида тайёр маҳсулотлар, бутловчи буюм­лар ва материллар ишлаб чиқариш­ни маҳаллийлаштиришни янада чу­қур­лаштириш, шу орқали аҳоли­нинг бандлик даражасини ошириш масаласи муҳокама этилди.

— Бу борада вилоятимизда бир қатор ишлар амалга оширилмоқда, — деди вилоят иқтисодиёт бош бошқармаси бўлим бошлиғи ­Шаҳноза Якубова. — Жумладан, ўтган йили маҳаллий корхоналар томонидан 511,9 миллиард сўмлик маҳсулот ишлаб чиқарилди. Маҳаллийлаштириш дастури доирасида ишлаб чиқарилган 462 миллиард сўмлик маҳсулот ички бозорда сотилди.

Бироқ бу борада айрим муаммо, хато ва камчиликлар ҳам йўқ эмас. Масалан, вилоятдаги 5 та корхонада 8 та лойиҳа бўйича прогноз кўрсаткичлари тўлиқ бажарилмаган. Режага киритилган лойиҳа бўйича маҳсулот ишлаб чиқаришни йўлга қўймаган корхоналар ҳам бор. Бу эса вилоятни ижтимоий-иқтисодий ривожлантириш, янги иш ўринлари ташкил этиш, аҳоли турмуш фаровонлигини оширишга салбий

таъсир этади. 

— Шу боис жорий йилда депутатлик гуруҳимиз томонидан мазкур йўналишдаги муаммоларни бартараф этишга қаратилган чоралар белгиланди, — деди халқ депутатлари вилоят Кенгаши депутати, ЎзХДП депутатлик гуруҳи раҳбари Фармон Тошев. — Бунда ишлаб чиқариш тармоқлари фаолия­тини изчил ўрганиш, мо­лия­вий жиҳатдан кўмакка муҳтож корхоналарни кредит маблағлари билан таъминлашга алоҳида эъ­ти­бор қаратилади. Бу вазифаларнинг самарали бажарилиши ҳудудлар, айниқса, қишлоқ жойлари инфратузилмасини яхшилаш, муносиб турмуш шароитлари яратиш, ички бозорни ўзимизда ишлаб чиқарилган сифатли ва арзон маҳсулотлар билан бойитиш, кўплаб янги иш ўринлари очилишига хизмат қилади. Бу масалаларга партиямиз Сайловолди дастурида алоҳида эътибор қаратилган. Шу боис депутатлик гуруҳимиз томонидан тегишли давлат дастурларида белгиланган прогноз кўр­саткичлари ўз вақтида бажарилишига тўсиқ бўлаётган муаммолар ўрганилиб, уларни бартараф этиш юзасидан таклифлар айтилди. Хусусан, ҳудуднинг ижтимоий-иқтисодий ҳолати, эҳтиёжи ҳамда имкониятларидан келиб чиқиб, муқобил лойиҳаларни ишлаб чиқиш борасида таклифлар илгари сурилди. 

Йиғилишда ишлаб чиқаришни маҳаллийлаштириш жараёнида вилоятнинг инвестицион салоҳиятидан самарали фойдаланишни йўлга қўйишда депутатлар фаол иштирок этиши, аниқ таҳлиллар билан чиқиши лозимлиги таъкидланди. Бу, ўз навбатида, саноат кооперацияси асосида тайёр маҳсулотлар, бутловчи буюм ва материллар ишлаб чиқаришни маҳаллийлаштириш, янги иш жойлари очилишига хизмат қилиши алоҳида қайд этилди.

— Маҳаллийлаштириш дастурига киритилган корхоналар фаолияти ўрганилганда аҳоли бандлигини таъминлаш масалаларига алоҳида эътибор қаратиш, шу асосда иш ўринлари барқарорлигини таъминлаш, янги иш жойлари ташкил этиш бўйича таклифлар ишлаб чиқиш зарур, — дейди халқ депутатлари вилоят Кенгаши депутати, Саноат, транспорт, қурилиш, коммунал хўжалиги, алоқа ва аҳолига хизматлар кўрсатиш масалалари бўйича доимий комиссияси раиси Ўктам Саидмуродов. — Шунинг­дек, яратиладиган иш ўринлари аниқ белгиланиши ва назоратга олиниши керак.

Йиғилиш кун тартибидаги масала иштирокчилар томонидан қизғин муҳокама этилди ва «2011-2013 йилларда саноат кооперацияси асосида тайёр маҳсулотлар, бутловчи буюмлар ва материллар ишлаб чиқаришни маҳаллийлаштиришни янада чуқурлаштириш чора-тадбирлари тўғрисида»ги Қарор ижросини таъминлаш билан боғлиқ масалани сессия муҳокамасига киритишга келишиб олинди. 

Шаҳноза ПАРМАНОВА



DB query error.
Please try later.