Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
14.02.2013

ОДАМЛАР ХИЗМАТИДА

Самарқанд вилояти, Қўшрабод туманидаги «Оқмачит» маҳалла фуқаролар йиғини раиси Тўлқин Турдимовни идорасидан тополмадим.

Маҳалла қўмитаси котибининг айтишича, оқсоқол маҳалла ҳудудида яшовчи уруш ва меҳнат фахрийлари ҳолидан хабар олишга кетган экан. Мазкур маҳаллада бугун 250 та оила истиқомат қилади. Элчилик, ҳар куни кимнингдир хонадонида тўй, маърака бўлиб туради. Бировнинг бошига кулфат тушади. Биров бемор. Боқувчисини йўқотган бошқа бир оилада яна қандайдир муаммо...

Бу ҳаёт. Унинг қувонч ва ташвишлари ҳамиша биз билан бирга. Маҳалла оқсоқоли юқоридаги барча масалаларни ҳал этишда камарбаста. Унинг зийрак нигоҳидан ҳеч ким ва ҳеч нарса четда қолиши мумкин эмас.

Маҳалла аҳолисига хизмат кўрсатаётган қишлоқ врачлик пункти, таълим муассасаси, туман ички ишлар бўлими билан ҳамкорликда турли тадбирлар ўтказилади. Тушунтириш, тарғибот ишлари олиб борилади.

Одам савдоси, гиёҳвандлик, ичкиликбозлик, жиноятчилик каби иллатларнинг олдини олиш борасида ҳам маҳаллада тарғибот-ташвиқот ишлари тўғри йўлга қўйилган.

— Одамлар хизматида бўлиш катта бахт, масъулият, — дейди Тўлқин Турдимов. — Эрталабдан кечгача юрсанг ҳам чарчамайсан. Хал­қимиз бугун маҳаллага ва ўзлари сайлаб қўйган маҳалла оқсоқолига ишонади. Мана шу ишончни оқлаш учун эса меҳнат қилиш керак. Бу ишда бизга кўпни кўрган ёши улуғларимиз ҳаёт тажрибалари ва маслаҳатлари билан ёрдам беришади. Маҳалламиз биноси 2007 йилда қурилган. Унинг атрофини ҳа­шар йўли билан ўзимиз обод қилганмиз. Обод турмуш йилида маҳалламиз ҳудудида бир қатор хайрли ишларни қилишни режалаштираяпмиз...

Шу пайт маҳалла идорасига кириб келган онахон тўй қилаётгани, шунинг учун маҳалла фаоллари билан маслаҳатлашмоқчилигини айтди. Ҳа, маслаҳатли иш самарали бўлади. Маслаҳатли тўй эса тарқамайди.

Сатторжон НИҲОЛОВ



DB query error.
Please try later.