08.02.2013

АМАЛИЙ ЁРДАМ ВА ҲУҚУҚИЙ МАСЛАҲАТЛАР

Одамларнинг партияга ишончини мустаҳкамламоқда

Чуст туманидаги қадимий қишлоқлардан бири — Ғова марказида икки қа-ватли бино қад ростлади. Савдо ва бир қатор маиший хизмат кўрсатиш шохобча-ларини ўзида мужассам этган мазкур маж-муанинг бунёд этилишида ЎзХДП фаоллари ва депутатларининг ҳиссаси катта. Буни кор-хона раҳбари Абдумамат Садриддинов мам-нуният билан таъкидлади.

— Мазкур бинони қуриш учун сармоя жамғариб, тумандаги идораларга учрадим, — дейди у. — Очиғи, бироз қийинчиликларга ҳам дуч келдим. ЎзХДП Чуст туман кенгашининг Жамоатчилик қабулхонасига савдо ва маиший хизмат кўрсатиш фаолиятини ташкил этишнинг қонуний йўл-йўриқлари ҳақида маслаҳат сўраб мурожаат қилдим. Уларнинг тўғри маслаҳати ҳамда ҳужжатларни расмийлаштиришдаги кўмаги туфайли ишлар юришиб кетди. Тез орада мажмуа тўлиқ ишга тушади. Ҳамқишлоқларимиз бундан жуда мамнун бўлишмоқда.

Ҳақиқатан ҳам, Ўзбекистон Халқ демократик партияси маҳаллий кенгашлари қошида фаолият юритаётган Жамоатчилик қабулхоналари электоратни ўйлантираётган масалалар ечим топишига амалий ёрдам бермоқда. Фуқароларнинг ҳар бир мурожаати пухта ўрганилиб, депутатлар, тегишли идора ва ташкилотлар ёрдамида ҳал этилмоқда.

Буни ЎзХДП Наманган вилоят, шаҳар ва туман кенгашлари қошидаги Жамоатчилик қабулхоналари фаолияти мисолида ҳам кўриш мумкин. Ўтган йили партиянинг Жамоатчилик қабулхоналарига вилоят миқёсида 400 га яқин мурожаат тушди. Уларнинг аксарияти коммунал соҳа, уй-жой қуриш учун ер олиш, иш билан таъминлаш масалаларида бўл­ди. Бундан ташқари, касб-ҳунар коллежларини битирган ёшларни мутахассислиги бўйича ишга жойлаштириш, оилавий тадбиркорликни йўлга қўйиш истагида кўмак сўраб, 100 дан ортиқ мурожаат бўлди.

— Мурожаатларнинг аксарияти ижобий ҳал этилди, — дейди вилоят партия кенгаши масъул ходими Сайёра Турдиева. — Қолганлари бўйича ҳуқуқий маслаҳатлар берилди, айримлари депутатлар ва тегишли ташкилотлар эътиборига ҳавола этилди. Жамоатчилик қабулхоналарига тушган мурожаатларни ҳал этишда халқ депутатлари вилоят, шаҳар ва туман Кенгашлари депутатлари хизмати катта бўлмоқда. Халқ депутатлари Учқўрғон туман Кенгаши депутатлари Раҳима Омонова, Комилжон Қамбаров, Чуст туман Кенгаши депутатлари Мухсинжон Бобохонов, Темурали Икромов, Чортоқ туман Кенгаши депутати Марҳамат Болтабоева, Норин туман Кенгаши депутати Мавлуда Бакирова каби депутатлар фаол қатнашмоқда.

Шуни айтиш керакки, ўтган йили партия ташкилотлари мутасаддилари ва депутатлар иштирокида 27 марта кўчма Жамоатчи­­­лик қабулхонаси ташкил қи­линди. Уйчи, Янгиқўрғон, ­Норин, Тўрақўрғон туманларидаги кўчма қабулхоналарда партия Марказий Кенгаши вакиллари, Олий Мажлис Қонунчилик палатаси депутатлари, бир қатор хизмат кўрсатиш идоралари раҳбарлари ҳам қатнашди. Мухтасар айтганда, Жа­моатчилик қабулхоналари электорат вакилларининг партиямизга ишончини мус­таҳкамлаб, уларнинг ижтимоий-иқтисодий фаоллиги ортишига хизмат қилмоқда.

Носиржон ДЕҲҚОНОВ,

«Ўзбекистон овози» мухбири.



DB query error.
Please try later.